မြန်မာနိုင်ငံမှာ စီးပွား ရင်းနှီးမြုပ်နှံကြဖို့ အမေရိကန်ကုမ္ပဏီတွေအနေနဲ့ အရင် ဦးသိန်းစိန် အစိုးရ လက်ထက်ကတည်းက စိတ်ဝင်စားမှု ရှိနေပေမယ့် စီးပွားရေးပိတ်ဆို့မှု အပါအဝင် တခြား စိန်ခေါ်မှုတွေ အများအပြား ရှိနေသေးတဲ့အတွက် လက်တွေ့မှာ ရင်းနှီးမြုပ်နှံမှုတွေ ထင်သလောက် ရောက်မလာခဲ့တာ ဖြစ်တယ်လို့ အာဆီယံ - အမေရိကန် စီးပွားရေးကောင်စီက တွဲဘက်မန်နေဂျာ ကိုလှဖုန်းမြင့်က ပြောပါတယ်။ ကိုလှဖုန်းမြင့်ကို ဆက်သွယ် မေးမြန်းထားတဲ့ အပိုင်း (၂) ကို အခုသီတင်းပတ်ရဲ့ စီးပွားရေးကဏ္ဍမှာ ကိုဇော်ဝင်းလှိုင်က တင်ပြပေးထားပါတယ်။
