စစ်ပွဲအရှိန်နဲ့ ခြိမ်းခြောက်မှုများ (ယူကရိန်း မြန်မာနှိုင်းယှဉ်ချက်)

မြန်မာနိုင်ငံက လက်နက်ကိုင်ပဋိပက္ခတွေ တိုးလာနေတဲ့အချိန်၊ မြန်မာစစ်တပ်က စစ်စခန်းတွေ သိမ်းပိုက်ခံရပြီး စစ်သားအများအပြား လက်နက်ချတဲ့ သတင်းတွေ ထွက်လာနေချိန်မှာ လူငယ်တွေ မဖြစ်မနေ စစ်မှုထမ်းဖို့ အမိန့်ကို စစ်ကောင်စီဘက်က စတင် အသက်သွင်းလာပါတယ်။ ယူကရိန်းစစ်ပွဲမှာလည်း ရုရှားမှာရှိတဲ့ ရေနံချက်စက်ရုံကို မောင်းသူမဲ့လေယာဥ်နဲ့ ယူကရိန်းဘက်က တိုက်ခိုက်အပြီး လိုအပ်ရင် နျူးကလီးယားလက်နက် အသုံးပြုတော့မယ်လို့ ရုရှားသမ္မတ ဗလာဒီမီယာ ပူတင်က ခြိမ်းခြောက်ပြောဆို လာပါတယ်။ အရပ်သားတွေ ထိခိုက်သေဆုံးမှု နှုန်းများလာတဲ့ စစ်ပွဲနှစ်ခု အခြေအနေ ရှေ့ဆက်အလားအလာတွေကို ဟောင်ဆာရဲ့ ယူကရိန်းမြန်မာ လွတ်မြောက်ရေးတိုက်ပွဲနှိုင်းယှဉ်သုံးသပ်ချက်မှာ တင်ပြထားပါတယ်။