NMSP-AD မွန်တိုင်းရင်းသား အဖွဲ့နဲ့ ဆက်သွယ်မေးမြန်းချက်

မွန်ပြည်သူတွေ လိုလားတဲ့ တန်းတူရေးနဲ့ ကိုယ်ပိုင်အခွင့်အရေးကို တောင်းဆိုရာမှာ လက်နက်ကိုင် တိုက်သည်ဖြစ်စေ၊ နိုင်ငံရေးနည်းနဲ့ ဖြေရှင်းသည်ဖြစ်စေ မွန်တိုင်းရင်းသားအဖွဲ့တွေအကြားမှာ သဘောထားကွဲလွဲမှာ မဟုတ်တဲ့အကြောင်း နွေဦးတော်လှန်ရေး တိုက်ပွဲဝင် တခြားအဖွဲ့တွေနဲ့ ပူးပေါင်းဖို့ ကြေညာထားတဲ့ မွန်ပြည်သစ်ပါတီ (စစ်အာဏာရှင် တိုက်ဖျက်ရေးအဖွဲ့) NMSP-AD အဖွဲ့က VOA ကို ပြောပါတယ်။ မွန်ပြည်သူတွေအကြားမှာ သူတို့ အဖွဲ့အပေါ် ထောက်ခံမှု အခိုင်အမာ ရထားတယ်လို့လည်း ပြောပါတယ်။ NMSP-AD နိုင်ငံတကာနှင့် ပြည်သူ့ဆက်ဆံရေးတာဝန်ခံ နိုင်ဗညားမွန်ကို ဟောင်ဆာက ဆက်သွယ်မေးမြန်းထားပါတယ်။