ရုရှားကမ်းထိုးစစ်ရေယာဉ်ကို ဘေရက်တာ TB2 မောင်းသူမဲ့ဒရုန်းယာဉ်နဲ့ တိုက်ခိုက်ဖျက်ဆီးခဲ့တယ်လို့ ယူကရိန်းစစ်တပ်က ပြောပါတယ်။ (မေ ၇) ယူကရိန်းရဲ့ အိုဒက်ဆာဆိပ်ကမ်းနဲ့ တောင်ပိုင်း မိုင် ၈၀ အကွာ ကျွန်းပေါ်က ဒုံးခွင်းဒုံးစနစ်ကိုလည်း ဘေရက်တာနဲ့ ပစ်ခတ်ခဲ့တယ်လို့ ယူကရိန်းကာကွယ်ရေးဌာနက ပြောပါတယ်။ အမေရိကန်ဂြိုဟ်တုစောင့်ကြည့်ရေးဌာန Planet Labs PBC က ရိုက်ယူတဲ့ ပုံအရလည်း မြွေကျွန်းတောင်ဘက်ကမ်းမှာ ဆီနာအမျိုးအစား ကမ်းထိုးယာဉ်ပုံကိုတွေ့ရတာမို့ ယူကရိန်းကထုတ်တဲ့ ရေယာဉ် ဒုံးကျည်မှန်ပြီး မီးလောင်နေတဲ့ ဗွီဒီယိုနဲ့ ကိုက်ညီပါတယ်။ မြွေကျွန်းကို တိုက်ခိုက်နိုင်တာဟာ ပင်လယ်နက်ကိုထိန်းချုပ်ဖို့ ရုရှားကြိုးပမ်းမှုကို အနှောက်အယှက်ဖြစ်စေပါတယ်။