သမ္မတ ထရမ့်ရဲ့နိုင်ငံခြားရေးမူဝါဒ အငြင်းပွါးမှု
ယူကရိန်းအစိုးရကို ဖိအားပေးပြီး အပေးအယူလုပ်တဲ့ကိစ္စကနေ ဆီးရီးယားနိုင်ငံမြောက်ပိုင်းက အမေရိကန်တပ်ဖွဲ့တွေ ပြန်ရုပ်သိမ်းတာ အထိ အမေရိကန်ရဲ့ နိုင်ငံခြားရေးမူဝါဒတွေချမှတ်ရာမှာ သမ္မတ Trump က သူ့သဘောနဲ့သူ လုပ်ဆောင်ခဲ့ပါတယ်။ ဆီးရီးယားကတပ်ဖွဲ့တွေ ပြန်လည် ရုပ်သိမ်းတဲ့ကိစ္စကို ဝါရှင်တန်နိုင်ငံရေးအသိုင်းအဝိုင်းမှာ ကန့်ကွက်မှုတွေ ပြင်းပြင်းထန်ထန် ဖြစ်ခဲ့သလို၊ ယူကရိန်းကိစ္စမှာလည်း သမ္မတ Trump ဟာ သူနဲ့ ရွေးကောက်ပွဲပြိုင်ဘက် ဖြစ်လာနိုင်သူကို တိုက်ခိုက်ဖို့ သူ့ရဲ့ကိုယ်ပိုင်အကျိုးစီးပွားအတွက် အမေရိကန် သံတမန်တွေရဲ့ လုပ်ငန်းတွေကို မှေးမိန်အောင်လုပ်ခဲ့တယ်ဆိုပြီး ဝေဖန်သူတွေက ပြောဆိုကြပါတယ်။ သမ္မတရဲ့ နိုင်ငံခြားရေးမူဝါဆိုင်ရာ ဆုံးဖြတ်ချက်တွေဟာ အငြင်းပွားစရာတွေဖြစ်နေတဲ့အကြောင်း ဗွီအိုအေသတင်းထောက် Jesusemen Oni ပေးပို့တဲ့သတင်းကို မခင်ဖြူထွေးက တင်ပြပေးပါမယ်။