၂၀၁၈ ဖီဖာ ကမ္ဘာ့ဖလားကျင်းပဖို့ အချိန် ၂လပဲ လိုတော့တဲ့အချိန်မှာ ပြိုင်ပွဲဝင်ဘောလုံးအသင်းတွေအနေနဲ့ ပြင်ဆင်နေကြသလိုပဲ အီတလီနိုင်ငံ မီလန်မြို့ ဆင်ခြေဖုံးရပ်ကွက်က ကုမ္ပဏီတစ်ခုဟာလည်း အရေးကြီးတဲ့ ပြင်ဆင်မှုတစ်ခုကို လုပ်နေရပါတယ်။ အဲဒါကတော့ ကမ္ဘာ့ဖလားရုပ်ထုကို မွမ်းမံပြုပြင်ပေးရတာပါ။ GDE Bertoni လို့ ခေါ်တဲ့ ဒီဆုတံဆိပ်လုပ်ငန်းဟာ ကမ္ဘာ့ဖလားရှိတဲ့ နှစ်တိုင်း အခုလို အရောင်တင်တာနဲ့ ဆေးပြန်မှုတ်တာတွေကို လုပ်ပေးရပါတယ်။ ဝမ်းနည်းစရာကတော့ သူတို့ရဲ့ နိုင်ငံအသင်းဟာ နှစ်(၆၀)အတွင်း ပထမဆုံးအကြိမ် ကမ္ဘာ့ဖလားပွဲကို မတက်နိုင်တဲ့နှစ် ဖြစ်နေတာပါ။ #voasocial #voaburmese