အမေရိကန်ပြည်ထောင်စု Wyoming ပြည်နယ် Worland မြို့က မီးသတ်ဌာနဟာ ပုံမှန်မဟုတ်တဲ့ မီးလောင်မှုတစ်ခုကို သိခဲ့ရပြီး သွားရောက်စစ်ဆေးကြည့်တဲ့အခါမှာတော့ ဒါဟာ “ကန့်”ဓါတ်ရှိနေတဲ့ တောင်ပို့တစ်ခုဆိုတာကို တွေ့ခဲ့ရပါတယ်။ ဒီလောင်ကျွမ်းမှုကနေ အမြင်ဆန်းတဲ့ မီးတောက်မီးလျှံတွေ တောက်ပနေပေမယ့်လည်း ကန့်ကိုလောင်ကျွမ်းခြင်းက လူတွေရှူရှိုက်ဖို့မသင့်တော်တဲ့ ဆာဖာဒိုင်အောက်ဆိုဒ် ဓါတ်ငွေ့ကို ထွက်ပေါ်စေပါတယ်။ ကန့်တောင်ပို့ရဲ့ မျက်နှာပြင်ကို ရေနည်းနည်းသုံးပြီး အပူချိန်ကို အရည်ပျော်မှတ်အောက် လျှော့ချလိုက်နိုင်ပါတယ်။