ကမ္ဘာ့နိုင်ငံ ၁၅၀ က ကွန်ပျူတာ ၂ သိန်း ၃ သောင်းကျော်ဟာ မကြာသေးခင်ကပဲ Wanna Cry ဆိုတဲ့ ကွန်ပျူတာဗိုင်းရပ်ရဲ့ တိုက်ခိုက်တာကို ခံခဲ့ရပါတယ်။ ကမ္ဘာတဝှမ်းမှာရှိတဲ့ အဖွဲ့အစည်းတွေ၊ ဆေးရုံတွေနဲ့ ဆက်သွယ်ရေးကုမ္ပဏီတွေကို ထိခိုက်သွားခဲ့တဲ့ ဒီတိုက်ခိုက်မှုကိုဘယ်သူ လုပ်တယ်ဆိုတာတော့ မသိရသေးပေမယ့်၊ မျှော်လင့်မထားတဲ့ တိုက်ခိုက်မှုတော့ မဟုတ်ပါဘူး။ ဒီတိုက်ခိုက်မှုမဖြစ်ခင် လပိုင်းအတွင်းမှာပဲ ရုပ်ရှင်ထူးချွန်ဆုချီးမြှင့်ခံထားရတဲ့ ရုပ်ရှင်ထုတ်လုပ်သူ Alex Gibney က Zero Days ဆိုတဲ့ မှတ်တမ်းရုပ်ရှင်တခုကိုထုတ်လုပ်ခဲ့ပြီး၊ အဲဒီမှာ ကြီးမားတဲ့ဆိုက်ဘာတိုက်ခိုက်မှုကြီးတွေ နဲ့ အဲဒီကနေ လူမှုဘဝတွေမှာဖြစ်လာတဲ့ ဆိုးရွားတဲ့အကျိုးဆက်တွေအကြောင်းကို သတိပေးထား ပါတယ်။ VOA သတင်းထောက် Penelope Poulou သတင်းပေးပို့ထားတာကို ကိုရန်နိုင်က ပြောပြပေးမှာဖြစ်ပါတယ်။