TV Schedule

ဗွီအိုအေ မြန်မာနံနက်ခင်း (ဇွန်လ ၉ ရက်၊ ၂၀၂၄) − ဓါးစာခံ ၄ ဦး ပြန်ရဖို့ အစ္စရေးတိုက်ခိုက်မှု ပါလက်စတိုင်း ရာနဲ့ချီသေဆုံးတာ၊ မြန်မာဘက်ကလာတဲ့ စိတ်ကြွဆေး ၈ သန်း နကွန်စဝမ်မှာ ဖမ်းမိတဲ့ သတင်းတွေနဲ့အတူ အပတ်စဉ် ဒို့အသံ၊ ဒီမိုကရေစီနဲ့လူ့အခွင့်ရေး၊ အာရှနိုင်ငံရေး၊ ဥတုရာသီနဲ့ အနာဂတ်ကမ္ဘာ၊ သတင်းတွေထဲကသုတ အပြင် လယ်ယာစီးပွါး အစီစဉ်တွေ တင်ပြထားပါတယ်။

ဘောလုံးပွဲရလဒ် ခန့်မှန်းတဲ့ အီကိုလိုင် ဘတ်တီးရီးယားပိုးမွှားတွေ၊ ရောဂါကူးစက်ပြီး လိင်စိတ်ကြွတဲ့ ဇွန်ဘီ ပုရစ်များ၊ ဒီလို ထူးခြားဆန်းပြားသတင်းများ၊ ခွဲစိတ်ခန်း ဆရာဝန်တယောက် ဘာ့ကြောင့် စစ်မြေပြင်ရောက်နေဆိုတဲ့ GenZ၊ ဂျာမဏီနယ်စပ် တဘက်နိုင်ငံကိုပါ ရောက်နိုင်တဲ့ တောအုပ်ကလေးကို သွားလည်တဲ့ နော်သဇင်ရဲ့ Vlog၊ နောက်တော့ နေရာပေါင်းစုံ အကြောင်းစုံ အစီအစဉ်တွေကို ၂၀၂၄ ဇွန်လ ၉ ရက်၊ တနင်္ဂနွေ ဗွီအိုအေ တီဗွီမဂ္ဂဇင်းမှာ ကြည့်ရှုနိုင် ပါတယ်။

ဘင်္ဂလားဒေ့ရှ်ကို တိမ်းရှောင်ခဲ့သူ မြန်မာတပ်ဖွဲ့ဝင် ၁၃၀ ကျော် နေရပ်ပြန်ပို့၊ စစ်ကောင်စီ နှိမ်နင်းမှုကြောင့် ထိုင်းနိုင်ငံ ကွန်ဒိုတိုက်ခန်း အရောင်ဈေးကွက် ထိခိုက်ဖွယ်ရှိ စတာတွေအပြင် ဒီမိုကရေစီရေးရာ ဆွေးနွေးခန်း၊ ကမ္ဘာ့မြန်မာ့ မီဒီယာမြင်ကွင်း၊ မြန်မာပြည်မှပေးစာ၊ မြင်ကွင်းကျယ်မှတ်စု၊ ထူးခြားဆန်းပြား သတင်းများတို့ကို တင်ဆက်ထားပါတယ်။