TV Schedule

ဗွီအိုအေ မြန်မာနံနက်ခင်း (သြဂုတ် ၂၅ ရက် ၂၀၂၄) - မြန်မာမှာ အကြမ်းဖက်မှု အဆုံးသတ်ဖို့ ကုလ တောင်းဆိုတာ၊ ဂါဇာမှာ ပြင်းပြင်းထန်ထန် ဆက်ပြီး တိုက်ခိုက်နေတဲ့ သတင်းတွေနဲ့အတူ အပတ်စဉ် ဒို့အသံ၊ ဒီမိုကရေစီနဲ့ လူ့အခွင့်ရေး၊ အာရှနိုင်ငံရေး၊ ဥတုရာသီနဲ့ အနာဂတ်ကမ္ဘာ၊ သတင်းတွေထဲကသုတ အပြင် လယ်ယာစီးပွါးအစီစဉ်တွေ တင်ပြထားပါတယ်။

ဘန်စကီရဲ့ ဖန်တီးမှုလက်ရာသစ် တိရိစ္ဆာန်ရုံမှာ တွေ့ရ၊ ရေချိုးကန်ကို မြစ်ထဲအလှော်ပြိုင်ပွဲ၊ ဒီလို ထူးခြားဆန်းပြားသတင်းများ၊ ကမ္ဘာ့ခရီးသွားလုပ်ငန်းတွေမှာ တွေ့ရတဲ့ အလုပ်အကိုင်အခွင့်အလန်းများ GenZ အစီအစဉ်၊ နောက်တော့ မြန်မာရွှေ့ပြောင်းလုပ်သားတွေက ကလေးအများစုပညာသင်ရာ စာသင်ကျောင်းအကြောင်း နေရာပေါင်းစုံ အကြောင်းစုံနဲ့ ဂျာမနီက နော်သဇင်ရဲ့ Vlog တွေကို ၂၀၂၄ ဩဂုတ်လ ၂၅ ရက်၊ တနင်္ဂနွေ ဗွီအိုအေ တီဗွီမဂ္ဂဇင်းမှာ ကြည့်ရှုနိုင် ပါတယ်။

လက်ဘနွန်တောင်ပိုင်း အစ္စရေးလေကြောင်းက အပြင်းအထန်တိုက်ခိုက်၊ ရိုဟင်ဂျာတွေနဲ့ လူနည်းစုတွေအပေါ် ဖိနှိပ်မှုတွေ အမေရိကန်သတိပေး စတာတွေအပြင် ဒီမိုကရေစီရေးရာ ဆွေးနွေးခန်း၊ ကမ္ဘာ့မြန်မာ့ မီဒီယာမြင်ကွင်း၊ မြန်မာပြည်မှပေးစာ၊ မြင်ကွင်းကျယ်မှတ်စု၊ ထူးခြားဆန်းပြား သတင်းများတို့ကို တင်ဆက်ထားပါတယ်။