ဟာမတ်စ် နိုင်ငံရေးခေါင်းဆောင် Ismail Haniyeh အီရန်နိုင်ငံ တီဟီရန်မြို့တော်မှာ သတ်ဖြတ်ခံခဲ့ရပြီးနောက်ပိုင်း ဒေသတွင်းက အခြေအနေတွေနဲ့ ပတ်သက်လို့ အီရန်နိုင်ငံခြားရေးဝန်ကြီးနဲ့ ဆွေးနွေးဖို့ ဂျော်ဒန်နိုင်ငံခြားရေးဝန်ကြီး Ayman Safadi ဒီကနေ့ လာရောက်မည်အကြောင်း အီရန်သတင်းမီဒီယာတွေမှာ ဖော်ပြကြပါတယ်။
ဘင်္ဂလားဒေ့ရှ်နိုင်ငံမှာ ဆန္ဒပြကျောင်းသားတွေနဲ့ ရဲတပ်ဖွဲ့ဝင်တွေ၊ အာဏာရပါတီကို ထောက်ခံသူတွေ အဓိကရုဏ်း ဖြစ်ပွားရာက လူ ၂၀ ကျော် သေဆုံးပြီး၊ ရာနဲ့ချီ ထိခိုက်ဒဏ်ရာတွေ ရခဲ့ကြောင်း တာဝန်ရှိသူတွေနဲ့ သတင်းမီဒီယာတွေက ဖော်ပြကြပါတယ်။
လာမယ့် အမေရိကန်သမ္မတ ရွေးကောက်ပွဲမှာ ထောက်ခံမဲရဖို့ အကြိတ်အနယ် ယှဉ်ပြိုင်ရမယ့် ပြည်နယ်တွေမှာ ဒုသမ္မတ Kamala Harris ရဲ့ စည်းရုံးရေးအဖွဲ့က မဲဆွယ်ပွဲလုပ်ငန်းတွေ အရှိန်မြှင့်နေပါတယ်။
အစ္စရေးရဲ့ တိုက်ခိုက်မှုကြောင့် ဂါဇာဒေသက ဆေးရုံဝင်းအတွင်း ယာယီတဲမှာ ခိုလှုံနေသူ ၄ ဦး အပါအဝင် လူ ၁၂ ယောက် သေဆုံးခဲ့ပါတယ်။ တချိန်တည်းမှာပဲ အစ္စရေးနိုင်ငံ Tel Aviv မြို့စွန်မှာ ပါလက်စတိုင်းတဦးက ဓားနဲ့ထိုးရာက ၂ ဦး သေဆုံးခဲ့တာပါ။
ဗီယက်နမ်သမ္မတ To Lam ကို ကွန်မြူနစ်ပါတီရဲ့ အကြီးအကဲအဖြစ် ဒီကနေ့ ဩဂုတ်လ ၃ ရက်နေ့မှာ အတည်ပြု ခန့်အပ်လိုက်ပြီ ဖြစ်ပါတယ်။ ဒါဟာ ဇူလိုင် ၁၉ ရက်နေ့က ကွယ်လွန်သွားတဲ့ ပါတီအကြီးအကဲနေရာမှာ အစားထိုး ခန့်အပ်လိုက်တာလည်း ဖြစ်ပါတယ်။
ရုရှား လေတပ်စခန်းနဲ့ ဆီသိုလှောင်ကန်တွေကို ယူကရိန်းက တိုက်ခိုက်ခဲ့တာမှာ မီးလောင်သွားခဲ့ကြောင်း ယူကရိန်းက ဒီကနေ့ ပြောလိုက်ပါတယ်။ ရုရှားရဲ့ Morozovsk လေတပ်စခန်းနဲ့ ရုရှားဒေသ (၃) ခုက လောင်စာဆီ သိုလှောင်ကန်ကြီးတချိုကို မနေ့ညပိုင်းက တိုက်ခိုက်ခဲ့တယ်လို့ ယူကရိန်းစစ်တပ်က ထုတ်ပြန်လိုက်တာပါ။
ဆိုမာလီနိုင်ငံက မိုဂါဒစ်ရှုးမြို့က လူစည်ကားတဲ့ ကမ်းခြေကို al-Shabab စစ်သွေးကြွတွေ သောကြာနေ့ညက တိုက်ခိုက်တာကြောင့် ၃၂ ယောက်ထက်မနည်း သေဆုံးပြီး ၆၃ ယောက် ဒဏ်ရာရသွားတယ်လို့ ဆိုမာလီ ရဲတပ်ဖွဲ့ပြောခွင့်ရ ဗိုလ်မှူး Abdifatah Hassan က ပြောပါတယ်။
အစ္စရေးက သိမ်းယူထားတဲ့ ဂျော်ဒန်မြစ် အနောက်ဘက်ကမ်းဒေသက ကားတစင်းကို အစ္စရေးက လေကြောင်းကနေ တိုက်ခိုက်မှုအတွင်း ပါလက်စတိုင်း ၅ ယောက် သေဆုံးသွားတယ်လို့ အစ္စရေးစစ်တပ်နဲ့ ပါလက်စတိုင်း ကျန်းမာရေးတာဝန်ရှိသူတွေက ပြောပါတယ်။
ရှမ်းပြည်နယ်မြောက်ပိုင်း လားရှိုးမြို့က စစ်ကောင်စီရဲ့ အရှေ့မြောက်ပိုင်းစစ်ဌာနချုပ် (ရမခ) ကို ဒီကနေ့ ဩဂုတ်လ ၃ ရက် နေ့လည်မှာ MNDAA ကိုးကန့်၊ TNLA တအာင်းတပ်မတော် ဦးဆောင်တဲ့တပ်တွေက သိမ်းလိုက်ပါပြီ။
တရုတ်နိုင်ငံ အရှေ့တောင်ပိုင်းမှာ မိုးသည်းထန် မြေပြိုမှုတွေကြောင့် တောင်ပေါ်ဒေသ ခရီးသွားတွေ အသွားအလာများတဲ့ နေရာက ဧည့်ဂေဟာတခုမှာ လူ ၁၂ ယောက် သေဆုံးခဲ့ကြောင်း နိုင်ငံပိုင်မီဒီယာတွေက ဖော်ပြပါတယ်။
ပြင်သစ်နိုင်ငံမှာ ကျင်းပနေတဲ့ ၂၀၂၄ ပဲရစ်အိုလံပစ်ပြိုင်ပွဲကို ဒီနေ့ ဒုတိယနေ့အဖြစ် ဆက်လက်ကျင်းပနေတာမှာ တောင်ကိုရီးယားနဲ့ တရုတ်နိုင်ငံတွေက သေနတ်ပစ်ပြိုင်ပွဲတွေကနေ ရွှေတံဆိပ်တွေ ရရှိထားပါတယ်။
အမေရိကန်နဲ့ ဂျပန် ၂ နိုင်ငံ စစ်ရေး ပူးပေါင်းဆောင်ရွက်မှုတွေ နောက်ထပ်တိုးမြှင့်ဖို့အတွက် ၂ နိုင်ငံ ကာကွယ်ရေး ဝန်ကြီးတွေနဲ့ နိုင်ငံခြားရေဝန်ကြီးတွေဟာ ဂျပန်နိုင်ငံ တိုကျိုမြို့မှာ ဒီနေ့ တွေ့ဆုံဆွေးနွေး သဘောတူလိုက်ကြပါတယ်။
မြန်မာ့အရေး ဖြေရှင်းရာမှာ အာဆီယံ ဘုံသဘောတူညီချက်ကို အခြေခံမူအဖြစ် ဆက်လက်ဆွဲကိုင်ထားဆဲဖြစ်ပြီး လက်တွေ့အကောင်အထည်ဖော်မှု အခြေအနေတွေကို အပြည့်အဝ ပြန်လည်သုံးသပ်သွားမယ့်အကြောင်း ထုတ်ပြန်တဲ့ ပူးတွဲကြေညာချက်မှာ ဖော်ပြခဲ့တာပါ။
ရီပတ်ဘလစ်ကန်ပါတီ သမ္မတလောင်းနဲ့ ဒုသမ္မတလောင်းတွေ ဖြစ်ကြတဲ့ သမ္မတဟောင်း Donald Trump နဲ့ အထက်လွှတ်တော်အမတ် JD Vance တို့ ပြိုင်ဘက် ဒီမိုကရက်တစ်ပါတီကို ထောက်ခံတဲ့ အမာခံနယ်မြေ Minnesota ပြည်နယ်မှာ စည်းရုံးရေး ဆင်းခဲ့ကြပါတယ်။
အစ္စရေး သိမ်းပိုက်ထားတဲ့ ဂိုလန်ဒေသက ဘောလုံးကွင်းထဲမှာ ကလေးနဲ့ ဆယ်ကျော်သက် ၁၂ ယောက် သေဆုံးခဲ့တဲ့ ရော့ကတ်ဒုံးနဲ့ တိုက်ခိုက်မှုဟာ လက်ဘနွန်နိုင်ငံက Hezbollah တွေရဲ့ လက်ချက်အဖြစ် စွပ်စွဲလိုက်ပြီး အစ္စရေးက အပြင်းအထန် လက်တုံ့ပြန်မယ့်အကြောင်း ပြောလိုက်ပါတယ်။
မကြာသေးခင်က တိုက်ပွဲတွေ ပြင်းထန်နေတဲ့ ရှမ်းပြည်နယ်မြောက်ပိုင်း လားရှိုးမြို့ကို ဝပြည်သွေးစည်းညီညွတ်ရေး တပ်မတော် UWSA တပ်ဖွဲ့ဝင်တွေ စနေနေ့ညပိုင်းက ဝင်ရောက်ခဲ့ပါတယ်။
ပဲရစ်မြို့မှာ မနေ့သောကြာနေ့က ကျင်းပခဲ့တဲ့ အိုလံပစ်ပြိုင်ပွဲ ဖွင့်ပွဲအခမ်းအနားအတွင်း တောင်ကိုရီးယား အားကစားသမားတွေကို မြောက်ကိုရီးယားလို့ မှားယွင်းကြေငြာလိုက်တဲ့အပေါ် နိုင်ငံတကာအိုလံပစ်ကော်မတီ (IOC) က ဒီနေ့ တောင်းပန်လိုက်ပါတယ်။
ဂါဇာဒေသအလယ်ပိုင်းက Deir al Balah မြို့က ကျောင်းတခုကို အစ္စရေးဘက်က ပစ်ခတ်တိုက်ခိုက်တာကြောင့် ပါလက်စတိုင်း ၃၀ ထက်မနည်း သေဆုံးသွားတယ်လို့ ပါလက်စတိုင်း ကျန်းမာရေးတာဝန်ရှိသူတွေက ပြောပါတယ်။ အစ္စရေးဘက်ကတော့ သူတို့က ဟားမတ်စ်တွေရဲ့ ကွပ်ကဲရေးရုံးကို တိုက်ခိုက်တာလို့ ပြောပါတယ်။
မြန်မာနိုင်ငံမှာ ပါတီစုံအထွေထွေရွေးကောက်ပွဲ ကျင်းပဖို့ ပြင်ဆင်နေကြောင်း စစ်ကောင်စီအကြီးအကဲ ဗိုလ်ချုပ်မှူးကြီးမင်းအောင်လှိုင်က မြန်မာနိုင်ငံမှာ ရောက်ရှိနေတဲ့ အိန္ဒိယအမျိုးသားလုံခြုံရေးအကြံပေး (NSA) Ajit Doval ကို မနေ့ ဇူလိုင်လ ၂၆ ရက်နေ့က ပြောကြားခဲ့ကြောင်း အိန္ဒိယ သတင်းမီဒီယာတွေမှာ ဖော်ပြကြပါတယ်။
မြန်မာနိုင်ငံအတွင်း လက်ရှိဖြစ်ပေါ်နေတဲ့ အခြေအနေတွေဟာ ဆိုးရွားလာနေပြီး စစ်ကောင်စီအနေနဲ့ နည်းလမ်းပြောင်း ကိုင်တွယ်ဖြေရှင်းဖို့ လာအိုနိုင်ငံမြို့တော် Vientiane မှာ ကျင်းပနေတဲ့ အာဆီယံစည်းဝေးပွဲ တက်ရောက်နေတဲ့ ဩစတြေးလျနိုင်ငံခြားရေးကြီး Penny Wong က ဒီကနေ့ ဇူလိုင်လ ၂၇ ရက်နေ့မှာ ပြောကြားလိုက်ပါတယ်။
နောက်ထပ်ကြည့်ရှုရန်
