အစိုးရလုပ်ငန်းတွေ ပြန်ဖွင့်ရေးအဆို အထက်လွှတ်တော် မဲခွဲမည်

အမေရိကန်ပြည်ထောင်စုမှာ ရပ်ဆိုင်းထားရတဲ့ အစိုးရလုပ်ငန်းတွေ ပြန်လည် လည်ပတ်နိုင်ဖို့ရည်ရွယ်တဲ့ ဥပဒေကြမ်း ၂ ခုကို ဒီကနေ့ အထက်လွှတ်တော်မှာ မဲခွဲဖို့ရှိနေပါတယ်။ ဒါပေမဲ့ ဒီဥပဒေကြမ်း ၂ ခုလုံး အတည်ပြုထောက်ခံမှုရဖို့ အခြေအနေ နည်းပါးပါတယ်။

Republican တွေဖက်က တင်ပြတဲ့ ဥပဒေကြမ်းမှာ ကျန်တဲ့ဘဏ္ဍာနှစ် တခုလုံးအတွက် အစိုးရအသုံးစရိတ်အပြင်၊ သမ္မတ Donald Trump တောင်းဆိုနေတဲ့ တံတိုင်းကာစရိတ် ဒေါ်လာ ၅.၇ ဘီလျံနဲ့ လူဝင်မှုကြီးကြပ်ရေးဆိုင်ရာ ပြုပြင်မှုတွေ ပါဝင်ပါတယ်။

Democrat တွေဖက်က အဆိုပြုထားတဲ့ ဥပဒေကြမ်းမှာတော့ ဖေဖော်ဝါရီ လ ၈ ရက်နေ့အထိ အစိုးရအသုံးစရိတ်ပေးဖို့ပါပေမဲ့ သမ္မတတောင်းဆိုနေတဲ့ တံတိုင်းကာစရိတ်မပါဝင်ပါဘူး။

ပါးနပ် ထိရောက်တဲ့ နယ်စပ်လုံခြုံရေး ရှိသင့်တယ်ဆိုတာ Democrat အမတ်တွေက ထောက်ခံပေမဲ့ အမေရိကန်ပြည်သူတွေရဲ့ ကျန်းမာရေး၊ လုံခြုံရေးနဲ့ လစာတွေကို ရွေးကောက်ပွဲကတိကြောင့် တစားခံလုပ်ထားတာကိုတော့ လက်မခံဘူးလို့ အောက်လွှတ်တော် ဥက္ကဋ္ဌ Nancy Pelosi ကပြောကြားခဲ့ပါတယ်။

အစိုးရလုပ်ငန်းတွေ ပြန်ဖွင့်ရေးအဆို အထက်လွှတ်တော် မဲခွဲမည်