အမေရိကန်အိုးပင်းတင်းနစ်ပြိုင်ပွဲ ရာဖဲလ်နဒါးလ်နဲ့ ကယ်ဗင်အန်ဒါဆင်တို့ဗိုလ်လုပွဲကိုတက်

အမေရိကန်အိုးပင်းတင်းနစ်ပြိုင်ပွဲ အမျိုးသားတဦးချင်း နောက်ဆုံးဖိုင်နယ်မှာတော့ စပိန်နိုင်ငံက ရာဖဲလ်နဒါးလ် နဲ့ တောင်အာဖရိက ကယ်ဗင်အန်ဒါဆင်တို့ ဗိုလ်လုပွဲကိုတက်သွားကြပါတယ်။ အမျိုးသားတဦးချင်း ဆီးမီးဖိုင်နယ်တွေကို နယူးယောက်မြို့မှာ သောကြာနေ့က ကစားတာမှာ စပိန်က နဒါးလ်က အာဂျင်တီးနားက ဟွမ်မာတင်ဒဲလ်ပေါလ်ထရိုကို ၄-၆၊ ၆-ဝ၊ ၆-၃၊ ၆-၂ နဲ့ အနိုင်ရပြီး ဖိုင်နယ်တက်သွားတာ ဖြစ်ပါတယ်။

နောက်ဆီမီးဖိုင်နယ်မှာတော့ - တောင်အာဖရိကက Kevin Anderson က စပိန်က Pable Carreno Busta ကို ၄-၆၊ ၇-၅၊ ၆-၃၊ ၆-၄ နဲ့ နိုင်ခဲ့ပါတယ်။ အန်ဒါဆင် လောလောဆယ်မှာ ကမ္ဘာ့အဆင့် ၃၂ ဖြစ်ပြီး၊ အမေရိကန်အိုးပင်းဖိုင်နယ်ကို တက်လာသူတွေထဲမှာ အနိမ့်ဆုံးဖြစ်ပါတယ်။ နဒါးလ် နဲ့ အန်ဒါဆင်တို့ ၄ ကြိမ်တွေ့ထားတာမှာ နဒါးလ်က ၄ ကြိမ်စလုံး နိုင်ထားပါတယ်။ တကယ်လို့ ဒီပွဲမှာ နဒါးလ်နိုင်ခဲ့မယ်ဆိုရင်တော့ သူဟာ အမေရိကန်အိုးပင်းကို တတိယအကြိမ်ရမှာဖြစ်ပြီး၊ သူ့ရဲ့ ၁၆ ခုမြောက် ဂရန်းစလမ်းဖြစ်ပါတယ်။

အမျိုးသမီးတဦးချင်းဖိုင်နယ်ကိုတော့ ဒီကနေ့ ကစားကြမှာဖြစ်ပြီး၊ အမေရိကန်က Sloane Stephens နဲ့ Madison Keys တို့ ဗိုလ်လုကြမှာ ဖြစ်ပါတယ်။

အမေရိကန်အိုးပင်းတင်းနစ်ပြိုင်ပွဲ ရာဖဲလ်နဒါးလ်နဲ့ ကယ်ဗင်အန်ဒါဆင်တို့ဗိုလ်လုပွဲကိုတက်