အစိုးရကြွေးမြီတိုးမြှင့်ရေးသဘောတူညီရဖို့ ကန်သမ္မတအကောင်းမြင်

အစိုးရအကြွေးကန့်သတ်ချက် သဘောတူညီချက်ရရှိဖို့ အကောင်းမြင်တယ်လို့အစည်းအဝေးမတိုင်မီ မှာ အမေရိကန် သမ္မတ ဂျိုးဘိုင်ဒင်က ပြောခဲ့ပေမဲ့သဘောတူညီချက်တော့မရရှိကြသေးပါဘူး။

အမေရိကန်သမ္မတ ဂျိုးဘိုင်ဒင် နဲ့ အောက်လွှတ်တော် ဥက္ကဌ Kevin McCarthy တို့ တနင်္လာနေ့ နေ့ခင်း က အိမ်ဖြူတော်မှာ တွေ့ဆုံဆွေးနွေးခဲ့ကြတာပါ။

သမ္မတ ဘိုင်ဒင် G 7 က ပြန်အလာမှာ မစ္စတာ McCarthy နဲ့ တယ်လီဖုန်း ပြောခဲ့ကြပြီး၊ သူတို့ ဆွေးနွေးခဲ့ကြတာ အကျိုးရှိပါတယ်လို့ မစ္စတာ မက်ကာသီ က ပြောခဲ့တာပါ။ နှစ်ဘက် ညှိုနှိုင်းသူတွေ ဟာ တနင်္ဂနွေနေ့ ညနေပိုင်းမှာ ၂ နာရီခွဲကြာ ညှိုနှိုင်းခဲ့ကြပြီး၊တနင်္လာနေ့မှာ ဆက်လက် ညှိုနှိုင်းခဲ့ကြပါတယ်။ ၂၀၂၄ ခုနှစ်အစိုးရ အသုံးစားရိတ် ကို ဆွေးနွေးတဲ့ အဆင့်ကို ရောက်ရှိနေကြပါပြီ။

တနင်္လာနေ့ မနက်မှာတော့ မစ္စတာ McCarthy က သမ္မတဘိုင်ဒင်ဟာ နှစ်စဉ်ဖယ်ဒရယ် အသုံးစားရိတ် နဲ့ ပတ်သက်လို့ သူတို့နဲ့ တွေ့ဆုံဆွေးနွေးဖို့ ငြင်းဆိုခဲ့တယ်လို့ ဝေဖန် ပြစ်တင်ခဲ့ပါသေးတယ်။

ရီပါဘလီကန် အမတ်တွေက အသုံးစားရိတ်ကို ဖြတ်တောက်လိုပြီး ဒီမိုကရက်တွေက ချမ်းသာသူတွေ ဆီက အခွန်တိုးကောက်ပြီး အသုံးစားရိတ်ကို ကာလိုကြပါတယ်။

အစိုးရကြွေးမြီတိုးမြှင့်ရေးသဘောတူညီချက်ရဖို့ ကန်သမ္မတအကောင်းမြင်