အမေရိကန်သမ္မတ Donald Trump ဟာ လာမယ့်ဇွန်လမှာ နိုင်ငံတော်ခရီးစဉ်အဖြစ် ဗြိတိန်နိုင်ငံကို သွားဖို့ရှိပြီး အဲလိဇဘက် ဘုရင်မကြီးနဲ့ရော ဝန်ကြီးချုပ် Theresa May နဲ့ပါ တွေ့ဆုံမှာဖြစ်ပါတယ်။
သမ္မတနဲ့ သမ္မတကတော် Melania Trump တို့ဟာ အဲလိဇက်ဘက် ဘုရင်မကြီးရဲ့ ဖိတ်ကြားချက်နဲ့ UK နိုင်ငံကို ဇွန်လ ၃ ရက် နေ့ကနေ ၅ ရက်နေ့အထိ သွားမယ်လို့ သမ္မတအိမ်ဖြူတော် ထုတ်ပြန်ချက်တခုမှာ ပြောထားပါတယ်။ ဒီခရီးစဉ်ဟာ အမေရိကန် ပြည်ထောင်စုနဲ့ ဗြိတိန်အကြား ခိုင်မာတဲ့ အထူးဆက်ဆံရေးကို ထပ်လောင်း ခိုင်မာစေမှာဖြစ်တယ်လို့လည်း ထုတ်ပြန်ချက်မှာ ပြောထားပါတယ်။
ဗြိတိန်နိုင်ငံမှာ ရောက်နေချိန်အတွင်း Portsmouth မှာလုပ်မယ့် ၇၅ နှစ်မြောက် D-Day နေ့အခမ်းအနားကို သမ္မတနဲ့ သမ္မတ ကတော်တို့ တက်ရောက်ကြပါမယ်။ ဒုတိယကမ္ဘာစစ်အတွင်းက နာဇီတွေကို မဟာမိတ်တပ်ဖွဲ့တွေက ထိုးစစ်ဆင် တိုက်ခိုက်ခဲ့တဲ့ အထိမ်းအမှတ်အဖြစ် D-Day နေ့အခမ်းအနားကို ကျင်းပမှာပါ။
ဗြိတိန်ခရီးစဉ်ပြီးတဲ့နောက် ပြင်သစ်နိုင်ငံကို သမ္မတနဲ့ သမ္မတကတော်တို့ ခရီးဆက်ပြီး Normandy ဒေသမှာ ဇွန်လ ၆ ရက်နေ့ ကျင်းပမယ့် D-Day နှစ်ပတ်လည် အထိမ်းအမှတ် အခမ်းအနားကို တက်ရောက်မှာလည်းဖြစ်ပါတယ။် အဲဒီခရီးစဉ်အတွင်း သမ္မတ ထရမ့်ပ်ဟာ ပြင်သစ်သမ္မတ Emmanuel Macron နဲ့ တွေ့ဆုံမှာဖြစ်ပါတယ်။
Your browser doesn’t support HTML5
သမ္မတ Trump ဇွန်လထဲ ဗြိတိန် နိုင်ငံတော်ခရီးသွားမည်