ဗြိတိန်နိုင်ငံတော်ဝင်မင်းသား Sussex မြို့စား Harry နဲ့ မြို့စားကတော် အမေရိကန်သူ Magen Marchel တို့ သားယောင်္ကျားလေး ဒီကနေ့ ဖွားမြင်ပါတယ်။
မိခင်ရော ကလေးပါ ကျန်းကျန်းမာမာရှိတယ်လို့ အင်မတန်ပျော်နေပုံရတဲ့ မင်းသား Harry က စောင့်ဆိုင်း နှုတ်ဆက်သူတွေကို ပြောကြားခဲ့ပါတယ်။ ပထမဆုံး သားလေး မွေးဖွားတဲ့အတွက် အင်မတန် စိတ်လှုပ်ရှား ပျော်ရွှင်ရကြောင်းနဲ့ ဆုမွန်ကောင်း တောင်းကြသူတွေကို ကျေးဇူးတင်ကြောင်း မင်းသား Harry ကပြောပါတယ်။
ကလေးရဲ့ အလေးချိန် ၇ ပေါင် ၃ အောင်စရှိတယ်လို့ Buckingham Palace ကထုတ်ပြန်ပါတယ်။
သားတော်လေး မွေးဖွားတဲ့သတင်းကို ဘုရင်မကြီးအပါအဝင် တော်ဝင်မိသားစုကို အကြောင်းကြားခဲ့ပြီး အားလုံးက သတင်းကောင်းအတွက် ဝမ်းမြောက်နေကြတယ်လို့ နန်းတော်ရဲ့ ထုတ်ပြန်ချက်မှာ ဖော်ပြထားပါတယ်။
Your browser doesn’t support HTML5
တော်ဝင်မင်းသား Harry နဲ့ Markle သားတော်ဖွားမြင်