ကန်နဲ့ ဆက်ဆံရေးကိစ္စ မြောက်ကိုရီးယား တရုတ်နဲ့ဆွေးနွေး

မြောက်ကိုရီးယား Nuclear လက်နက်ကင်းရှင်းရေးကိစ္စ အမေရိကန်နဲ့ဆွေးနွေးမှုတွေ ရှေ့ဆက်မတိုးဖြစ်နေတဲ့အပေါ် မြောက်ကိုရီးယားခေါင်းဆောင် Kim Jong Un ကစိတ်ပူနေတယ်လို့ တရုတ်အစိုးရကသတင်းမီဒီယာတွေမှာ သတင်းထုတ်ပြန်ခဲ့ပါတယ်။

မြောက်ကိုရီးယားအစိုးရနဲ့ အမေရိကန်အစိုးရကြား ဆက်ဆံရေးတိုးတက်အောင်ဆောင်ရွက်ဖို့ သူ့ဖက်က သဓိဌာန်ချထားတယ်လို့ Kim Jong Un က သမ္မတ Xi Jinping ကိုပြောကြားခဲ့တယ်လို့ဆိုပါတယ်။ ဘေဂျင်းမြို့တော်ကို ၂ ရက်ကြာသွားရောက်ခဲ့တဲ့ မြောက်ကိုရီးယားခေါင်းဆောင် တရုတ်နိုင်ငံကနေ ပြန်သွားပြီး နာရီပိုင်းအကြာမှာပဲ ခေါင်းဆောင် ၂ ယောက် ဆွေးနွေးတဲ့အကြောင်းသတင်းတွေ ထွက်ပေါ်လာတာဖြစ်ပါတယ်။

တရုတ်နိုင်ငံအနေနဲ့ မြောက်ကိုရီးယားအပေါ် အားပေးထောက်ခံနေကြောင်းနဲ့ အမေရိကန်နဲ့ မြောက်ကိုရီးယားတို့ အလယ်ဆုံမှတ်မှာ တေ့ွဆုံနိုင်ကြဖို့ မျှော်လင့်ကြောင်း တရုတ်သမ္မတ Xi က Kim ကိုပြောခဲ့တယ်လို့ သတင်းတွေမှာ ဖော်ပြပါတယ်။ Kim Jong Un အနေနဲ့ အမေရိကန်သမ္မတ Donald Trump နဲ့ ဒုတိယအကြိမ်တေ့ွဆုံပွဲမလုပ်ခင် တရုတ်ကို အရင်သွားတာဖြစ်နိုင်တယ်လို့ ခန့်မှန်းချက်တွေ ထွက်ပေါ်နေပါတယ်။

မြောက်ကိုရီးယားခေါင်းဆောင်ရဲ့ တရုတ်နိုင်ငံခရီးစဉ်ကနေ အမေရိကန်နဲ့ မြောက်ကိုရီယား ဒုတိယ ထိပ်သီးဆွေးနွေးပွဲအောင်မြင်ဖို့ ကောင်းမွန်တဲ့သက်ရောက်မှုတွေ ရှိလာမယ်လို့မျှော်လင့်ကြောင်း တောင်ကိုရီးယားခေါင်းဆောင် Moon Jae-in က ဒီကနေ့ ပြောကြားခဲ့ပါတယ်။ မြောက်ကိုရီးယားရဲ့ သံတမန်ရေးနဲ့ စီးပွားရေးအဓိကမဟာမိတ်ဖြစ်တဲ့ တရုတ်နိုင်ငံကို ခေါင်းဆောင် Kim Jong Un သွားရောက်တာ ၁ နှစ်မပြည့်ခင် ၄ ကြိမ်မြောက်ဖြစ်ပါတယ်။

ကန်နဲ့ ဆက်ဆံရေးကိစ္စ မြောက်ကိုရီးယား တရုတ်နဲ့ဆွေးနွေး