အီတလီရေတပ်နဲ့ ကမ်းခြေစောင့်သင်္ဘောတွေဟာ ၂၄ နာရီအတွင်းမှာတင် ရွှေ့ပြောင်း အခြေချနေထိုင်သူ ၁၅ဝဝ လောက်ကို ပင်လယ်ထဲကနေ ကယ်တင်ခဲ့ရပါတယ်။
လစ်ဗျားကမ်းလွန် မြေထဲပင်လယ်မှာ ဒုက္ခရောက်နေကြတဲ့ ရွှေ့ပြောင်းအခြေချနေထိုင်လာသူ သင်္ဘော ၃ စင်းဆီက အရေးပေါ် အကူအညီ တောင်းခံချက်ကို ရရှိခဲ့တယ်လို့ အီတလီတာဝန်ရှိသူတွေက တနင်္ဂနွေနေ့မှာ ပြောဆိုခဲ့ပါတယ်။
ကယ်ဆယ်ဖို့အသွားမှာ - ရွှေ့ပြောင်းအခြေချနေထိုင်သူတွေရဲ့ နောက်ထပ် စက်လှေနှစ်စင်းကိုလည်း တာဝန်ရှိသူတွေက တွေ့ရှိခဲ့ကြပါတယ်။
အမျိုးသား၊ အမျိုးသမီးနဲ့ ကလေးတွေ စုစုပေါင်း လူ ၁၅ဝဝ လောက်ကို စစ်စလီ (Sicily) ဒါမှမဟုတ် လမ်ပီဒူစာ (Lampedusa) ကျွန်းတွေဆီ ပို့ဆောင်ခဲ့ပြီး အခုထိတော့ သူတို့ရဲ့ အခြေအနေတွေနဲ့ပတ်သက်လို့ ဘာမှမသိရသေးပါဘူး။