၂၀၂၄ နိုင်ငံတကာအမျိုးသမီးသတ္တိရှင်များဆုပေးပွဲ

၂၀၂၄ ခုနှစ်အတွက် နိုင်ငံတကာအမျိုးသမီးသတ္တိရှင်များ ဆုပေးပွဲကို မတ်လ ၄ ရက်၊ တနင်္လာနေ့မှာ ကျင်းပခဲ့ပြီး မြန်မာနိုင်ငံက ပြစ်မှုဆိုင်ရာရှေ့နေ ဒေါ်မဉ္ဇူဝင်းလည်း ဆုချီးမြှင့်ခံရသူစာရင်းထဲမှာ ပါဝင်ပါတယ်။ ကမ္ဘာတဝှမ်း သူမတူအောင် ရဲစွမ်းသတ္တိရှိသူ၊ တရားမျှတရေးနဲ့ လူ့အခွင့်အရေးပိုင်း စသဖြင့် ကိစ္စရပ်တွေမှာ ခေါင်းဆောင်မှုပိုင်း ထူးချွန်သူတွေကို အမေရိကန်နိုင်ငံခြားရေးဝန်ကြီးဌာနက နှစ်စဉ်ချီးမြှင့်တာပါ။ အမေရိကန်သမ္မတကတော် Jill Biden နဲ့ နိုင်ငံခြားရေးဝန်ကြီး Antony Blinken တို့က တက်ရောက်ပြီး ဆုချီးမြှင့်ပေးခဲ့ကြပါတယ်။ အမေရိကန်ပြည်ထောင်စု၊ ဝါရှင်တန်ဒီစီမြို့တော်က သမ္မတအိမ်ဖြူတော်မှာ ကိုယ်တိုင်သွားရောက်ခဲ့တဲ့ မအိသန့်စင်က သတင်းပေးပို့ထားပါတယ်။