ဟောင်ကောင်အရေးကြောင့် တရုတ် အမေရိကန် ဆက်ဆံရေးပိုမိုတင်းမာ

ဟောင်ကောင်ရဲ့ သီးခြား ကိုယ်ပိုင် အုပ်ချုပ်ခွင့်နဲ့ လွတ်လပ်ခွင့်ကို ချုပ်ခြယ်ကန့်သတ်ရာမှာ ပါဝင်ပတ်သက်နေတဲ့ တရုတ် တာဝန်ရှိသူတွေကို ဒဏ်ခတ် အရေးယူတဲ့ ဥပဒေကို အမေရိကန် သမ္မတ ဒေါ်နယ်ထရမ့်က အင်္ဂါနေ့က လက်မှတ်ရေးထိုးလိုက်ပါတယ်။ အဲဒီ ဥပဒေ အမိန့်မှာ ဟောင်ကောင်ကို ကိုယ်ပိုင်လွတ်လပ် ခွင့်ရ နယ်မြေ အနေနဲ့ အမေရိကန်တို့က ပေးအပ်ထားတဲ့ အထူးအခွင့်အရေးကို ရုပ်သိမ်းလိုက်တာလည်း ပါဝင်ပါတယ်။ သမ္မတ ထရမ့်က တရုတ်နိုင်ငံအပေါ် ထားရှိတဲ့ သူ့ရဲ့ သဘောထားက နိုင်ငံရေးပြိုင်ဘက် ဒုတိယသမ္မတဟောင်း Joe Biden ထက် ပိုပြီး တင်းမာတယ်ဆိုတာကို သူ့ရဲ့ မှတ်ချက်စကားမှာ ထည့်သွင်းပြောဆိုခဲ့ပါတယ်။ အိမ်ဖြူတော် သတင်းထောက် Patsy Widakuswara သတင်းပေးပို့ထားပါတယ်။