ရာသီဥတုဒဏ်ခံနေရတဲ့ ကယ်လီဖိုးနီးယား
အမေရိကန်အနောက်ဘက်ကမ်းရိုးတန်းကို ဝင်ရောက်နေတဲ့ လေထုစီးလှိုင်းမုန်တိုင်းတွေမှာ အခုတစ်ခေါက်က ၁၂ ခုမြောက် အဖြစ် ဝင်ရောက်တိုက်ခတ်ပါတယ်။ လေထုထဲမှာ သမုဒ္ဒရာထဲက အငွေ့ပြန်ရောက်ရှိနေတဲ့ ငွေ့ရည်ဖွဲ့လေကြောင်းကြီးတွေ ရွေ့လျားပြီး မိုးတွေ၊ဆီးနှင်းတွေအဖြစ် ပြန်ရွာချနေတာ ဖြစ်ပါတယ်။ လေပြင်းလည်းတိုက်ခတ်ပြီး ကယ်လီဖိုးနီးယားပြည်နယ် တောင်ပိုင်း တောင်တန်းတွေ ကန္တာရဒေသတွေမှာ တစ်နာရီကို ၇၅ မိုင်ထိ၊ ကမ်းရိုးတန်းနဲ့ ကုန်းတွင်းချိုမ့်ဝှမ်းတွေမှာ တစ်နာရီကို ၅၅ မိုင်အထိ တိုက်ခတ်ခဲ့ပါတယ်။