ဗြိတိန်နိုင်ငံခြားရေးဝန်ကြီး Boris Johnson အနေနဲ့မြန်မာပြည်ခရီးစဉ်အတွင်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့တဲ့အခါမှာ ရိုဟင်ဂျာမွတ်ဆလင်တွေအရေး အလေးပေးပြောသွားဖို့ ရှိနေပါတယ်။
နိုင်ငံခြားရေးဝန်ကြီး Johnson အနေနဲ့ အခု မြန်မာပြည်ဆိုင်ရာခရီးစဉ် မထွက်ခင်လေးမှာပဲဒီလူသားတွေ နှစ်ပေါင်းများစွာ ခံစားနေရတာက ကျွန်တော်တို့ ဒီခေတ်ကြီးထဲမှာ အဆိုးဝါးဆုံး လူသားဆိုင်ရာ ဘေးဥပါဒ်အန္တရာယ်ကြီးဖြစ်တယ်လို့ ပြောလိုက်ပါတယ်။
ဒီခရီးစဉ်ထဲမှာ ဝန်ကြီး Johnson အနေနဲ့ ဘင်္ဂလားဒေ့ရှ်- မြန်မာ နယ်စပ်ရှိ Cox’s Bazar နားကဒုက္ခသည်စခန်းတွေ နဲ့ ရခိုင်ပြည်နယ်မြောက်ပိုင်းတို့ကို သွားကြည့်မှာပါ။
ဝန်ကြီး Johnson က လူတွေကြောင့်ဖြစ်ရတဲ့ ဒီ ဒုက္ခအကြီးအကျယ်ရောက်ကြရမှုအတွက် နိုင်ငံရေးအရ အဖြေရှာလိုတဲ့စိတ်နဲ့ပဲ ဖြေရှင်းမှရမယ်လို့ ပြောလိုက်ပါတယ်။
ပြီးခဲ့တဲ့ သြဂုတ်လကစပြီး ဒီရခိုင်ပြည်မြောက်ပိုင်းက ဒုက္ခသည် ၆ သိန်းကျော်ဟာ မြန်မာအစိုးရတပ်တွေရဲ့ မတရား ရက်စက်မှုတွေကြောင့် အိမ်နီးချင်း ဘင်္ဂလားဒေ့ရှိနိုင်ငံဖက်ကို ထွက်ပြေးခဲ့ရတယ်လို့ ကမ္ဘာ.ကုလသမဂ္ဂဖက်က ပြောထားပါတယ်။
Your browser doesn’t support HTML5
ဝန်ကြီး Boris Johnson ရိုဟင်ဂျာအရေး ဒေါ်အောင်ဆန်းစုကြည်နှင့် ဆွေးနွေးမည်