စစ်မှုထမ်းဥပဒေအပေါ် ပြည်ပရောက် မြန်မာလူငယ်တွေ မေးခွန်းထုတ်
စစ်ကောင်စီက အတည်ပြုလိုက်တဲ့ ပြည်သူ့စစ်မှုထမ်း ဥပဒေဟာ လူငယ်တွေ အနာဂတ်နဲ့ ပတ်သတ်လို့ ဘယ်လောက်ထိ အာမခံချက်ရှိနိုင်မလဲဆိုပြီး ပြည်ပရောက် လူငယ်တွေက မေးခွန်းထုတ်လိုက်ပါတယ်။ စစ်မှုထမ်းရမယ့် အချိန်မှာ လူသားဒိုင်းအဖြစ် အသုံးချခံရနိုင်မှာလား၊ ပြည်ပ အလုပ်အကိုင် စွန့်ပြီး စစ်မှုထမ်းရမယ့်သူတွေအနေနဲ့ လုပ်သက်အလိုက် ခံစားခွင့် နစ်နာမှုတွေအပြင် မူလအလုပ်ကို ပြန်ရဖို့လည်း မဖြစ်နိုင်တော့တဲ့ အခြေအနေတွေကိုလည်း သူတို့က ထောက်ပြ ပြောဆိုပါတယ်။ စစ်မှုထမ်း ဥပဒေနဲ့ ပတ်သက်လို့ ပြည်ပနိုင်ငံတွေရောက် လူငယ်တွေရဲ့ သဘောထားတွေကို သိရဖို့ ကိုအောင်အောင်က ထိုင်းနိုင်ငံ ဘန်ကောက်ကနေ တင်ပြပေးထားပါတယ်။