ဈေးကွက်ကို မထင်ဟပ်တဲ့ သီးနှံဈေးသတ်မှတ်မှု တောင်သူများနစ်နာ
အိန္ဒိယနိုင်ငံမြောက်ပိုင်း အဓိက ပန်ဂျပ်ပြည်နယ်က တောင်သူလယ်သမားတွေက သူတို့ စိုက်ပျိုးထုတ်လုပ်တဲ့ သီးနှံတွေကို ဗဟိုအစိုးရအနေနဲ့ အနိမ့်ဆုံးဈေးနှုန်းကို ဈေးမြှင့်သတ်မှတ်ပေးပြီး ခိုင်ခိုင်မာမာ အာမခံပေးဖို့ တောင်းဆိုနေကြတာ အခုဆိုရင် သီတင်းတပတ်ကျော်နေပါပြီ။ မြန်မာနိုင်ငံမှာတော့ အာဏာသိမ်း စစ်ကောင်စီလက်အောက်မှာ တောင်သူလယ်သမားတွေကို အဲဒီလိုမျိုး ဆန္ဒပြတောင်းဆိုခွင့်မျိုး မရှိတဲ့အပြင် စပါးဈေးကို ဈေးကွက်သဘောအရ ဖြစ်ပေါ်နေတဲ့ ဈေးမဟုတ်ပဲ အခြေခံ ရည်ညွှန်းဈေးဆိုပြီး စစ်ကောင်စီက သတ်မှတ်ပေးထားတာပါ။ အိန္ဒိယ နဲ့ မြန်မာနိုင်ငံက တောင်သူလယ်သမားတွေရဲ့ အခြေအနေတွေကို ကိုခင်မောင်စိုးမင်း စုစည်းတင်ပြထား ပါတယ်။