ယီမင်နိုင်ငံအတွင်း ဆော်ဒီဦးဆောင်တဲ့ ညွှန့်ပေါင်းအဖွဲ့တွေက သူပုန်တွေတိုက်နေတာကို ထောက်ပံ့မှု ဖြတ်တော်ဖို့ ရီပတ်ဘလစ်ကန်ဦးဆောင်တဲ့ အမေရိကန်အထက်လွှတ်တော်က ဗုဒဟူးနေ့မှာ မဲခွဲအတည်ပြုလိုက်ပါတယ်။
ဆော်ဒီကို ထောက်ခံခဲ့ အမေရိကန်သမ္မတ Trump ရဲ့ သဘောထားကို ဆန့်ကျင်ပြီး အထက်လွှတ်တော်က ထောက်ခံမဲ ၅၄ မဲ၊ ကန့်ကွက်မဲ ၄၆မဲနဲ့ အခုလို မဲခွဲအတည်ပြုလိုက်တာပါ။ ထောက်ခံမဲပေးသူတွေထဲမှာ ဒီမိုကရက်အမတ်တွေနဲ့အတူ ရီပတ်ဘလစ်ကန်အမတ် ၇ ယောက်လည်း ပါဝင်ခဲ့ပါတယ်။
ယီမင်နိုင်ငံအတွင်း အခြေအနေဆိုးရွားတဲ့နေရာတွေနဲ့ စစ်ဘေးသင့်နေရာတွေက အမေရိကန်လက်နက်ကိုင်တပ်သားတွေကို ရက် ၃၀ အတွင်း ဖယ်ရှားဖို့ ဥပဒေကြမ်းက တောင်းဆိုထားတာပါ။ ဒီဥပဒေကြမ်းကို အတည်ပြုဖို့ ဒီမိုကရက်ဦးဆောင်တဲ့ အောက်လွှတ်တော် ဆီ ရောက်သွားမယ်ဆိုရင် ဗီတိုအာဏာသုံးပြီး ပယ်ချမယ့်အကြောင်း သမ္မတ Trump က ခြိမ်းခြောက်ထားတာပါ။
Trump အစိုးရရဲ့ ထောက်လှမ်းရေးအပါအဝင် တခြားအကူအညီတွေနဲ့ ဆော်ဒီအာရေးဗျက ဦးဆောင်တဲ့ ညွှန့်ပေါင်းအဖွဲ့က အီရန် ကျောထောက်နောက်ခံပေးထားတဲ့ ယီမင်နိုင်ငံထဲက ဟူသီသူပုန်တွေကို တိုက်ထုတ်ဖို့ အကူအညီ ပေးနေတာလည်း ဖြစ်ပါတယ်။
Your browser doesn’t support HTML5
ယီမန်စစ်အကူအညီပေးရေး ဖြတ်ဖို့ ကန် အထက်လွှတ်တော် မဲခွဲ ဆုံးဖြတ်