ကော်ဖီဆိုင်ထဲ အပြေးလေ့ကျင့်ခဲ့တဲ့ မြင်း

ပြင်သစ်နိုင်ငံ ပဲရစ်မြို့မြောက်ပိုင်းက Chantilly ဒေသမှာ ပြိုင်မြင်းတွေထားတဲ့ မြင်းဇောင်းကနေ လွတ်သွားတဲ့ မြင်းတစ်ကောင်ဟာ ကော်ဖီဆိုင်/ဘားထဲကို ပြေးဝင်သွားခဲ့တဲ့အတွက် အထဲမှာရှိနေသူတွေ အထိတ်တလန့်ဖြစ်ခဲ့ရပါတယ်။ မြင်းရောက်လာချိန်မှာ ဆိုင်ထဲလူ(၇)ယောက်ပဲ ရှိနေလို့ ရှောင်တိမ်းနိုင်ခဲ့တာကြောင့် ထိခိုက်မှုတစုံတရာမရှိခဲ့ပါဘူး။ ဒါပေမယ့် မြင်းသာ ၅မိနစ်လောက် စောရောက်သွားခဲ့ရင်တော့ ဆိုင်ထဲမှာ လူတွေပြည့်နေခဲ့တာမို့ ဒီထက်ပိုပြီး အခြေအနေဆိုးရွားခဲ့နိုင်ပါတယ်။ #voaburmese #voasocial