မြွေဖမ်းနေရတဲ့ ဘန်ကောက်မီးသတ်

ဘန်ကောက်မြောက်ပိုင်းက မီးသတ်တပ်ဖွဲ့တစ်ဖွဲ့ဟာ မီးလောင်တဲ့အကြောင်း ဖုန်းသံမကြားရတာ ဇွန်လကတည်းကဖြစ်ပါတယ်။ ဒါပေမယ့်လည်း ဖုန်းလိုင်းတစ်ခုကိုတော့ ၂၄နာရီ ခေါ်ဆိုဖို့ ဖွင့်ပေးထားပါတယ်။ အဲဒါကတော့ မြွေတွေ့ရင် ခေါ်ဖို့ပါ။ မီးငြှိမ်းတာထက် မြွေဖမ်းရတဲ့အလုပ်က ပိုများတယ်လို့ ၄၆နှစ်အရွယ် မီးသတ်သမား Suraphong Suepchai က ဆိုပါတယ်။ ဖမ်းမိတဲ့အထဲက အဆိပ်ရှိတဲ့မြွေတွေကို Bangkok Snake Farm ဘန်ကောက်မြွေမွေးမြူရေးခြံမှာ ပြန်ပို့ပေးပြီးတော့ အဆိပ်မရှိတဲ့ မြွေတွေကိုတော့ အနီးနားပတ်ဝန်းကျင်ကို ပြန်လွှတ်ပေးခဲ့ပါတယ်။ ဒါဟာ သက်ရှိဂေဟစနစ်ကို မျှတစေမှာဖြစ်ကြောင်း မီးသတ်သမားတွေက ရှင်းပြပေးပါတယ်။ #voasocial #voaburmese