ဗင်နီဇွဲလားသမ္မတမိန့်ခွန်းပြောစဉ် ပေါက်ကွဲမှုဖြစ်

ဒီကနေ့ စစ်ရေးပြအခမ်းအနားတစ်ခုအတွင်း ဗင်နီဇွဲလားသမ္မတ Nicolas Maduro မိန့်ခွန်းပြောနေစဉ်မှာပဲ ဖေါက်ခွဲရေးပစ္စည်းတွေပါလာတဲ့ ဒရုန်းယာဉ်တွေ အနီးနားမှာ ပေါက်ကွဲခဲ့ကြောင်း ရိုက်တာသတင်းမှာဆိုထားပါတယ်။ ဗွီဒီယိုမှာတော့ နိုင်ငံပိုင်ရုပ်သံက ထုတ်လွှင့်နေစဉ် အသံလိုင်း အရင်ပြတ်တောက်သွားခဲ့ပြီး ရုပ်သံလွှင့်ခြင်းမရပ်နားခင် လူတွေရုတ်ရုတ်သဲသဲဖြစ်သွားတာကို တွေ့လိုက်ရပါတယ်။ ဒီဖြစ်ရပ်ကြောင့် သမ္မတနဲ့ တခြား အစိုးရအဖွဲ့ဝင်တွေ ထိခိုက်ဒဏ်ရာရမှုတော့ မရှိခဲ့ပါဘူး။ #voasocial #voaburmese