ကားလ်မာစ့်ရုပ်ထုသစ်တစ်ခု ဂျာမနီထံ တရုတ်လှူဒါန်း

ကမ္ဘာကို ကွန်မြူနစ်ဝါဒနဲ့ မိတ်ဆက်ပေးခဲ့တဲ့ ဂျာမန်အတွေးအခေါ်ပညာရှင် Karl Marx ရဲ့ ပုံတူ ကြေးရုပ်ထုတစ်ခုကို ဂျာမနီနိုင်ငံ သူ့ရဲ့ မွေးရပ်ဇာတိ Trier မြို့မှာ တရုတ်နိုင်ငံက လှူဒါန်းခဲ့ပါတယ်။ ဒီရုပ်ထုဟာ ၅မီတာခွဲ အမြင့်ရှိပြီး မေလ (၅)ရက် Marxရဲ့ နှစ်(၂၀၀)မြောက်မွေးနေ့အထိမ်းအမှတ်အဖြစ် တရုတ် နာမည်ကြီးပန်းပုပညာရှင် Wu Weishan က ထုလုပ်ခဲ့တာပါ။ ဒါ့အပြင် အောက်တိုဘာ (၂၁)ရက်နေ့အထိ ပြသသွားမယ့် Karl Marx 1818-1883, Life, Works & Time ပြပွဲကိုလည်း Trier မြို့မှာပဲ ဖွင့်လှစ်ခဲ့ပါတယ်။ #voaburmese #voasocial