တရုတ်နိုင်ငံခြားရေးဝန်ကြီး မြောက်ကိုရီးယား ရောက်

ဆယ်စုနှစ်တခုကျော်အတွင်း ပထမဆုံးအကြိမ် တရုတ်ထိပ်တန်းသံတမန်တဦးရဲ့ မြောက်ကိုရီးယား ခရီးစဉ်အဖြစ် တရုတ်နိုင်ငံခြားရေးဝန်ကြီး Wang Yi ပြုံယမ်းမြို့တော်ကို ဒီကနေ့ပဲ ရောက်ရှိသွားပါပြီ။ မြောက်ကိုရီးယားကို ၂ ရက်ကြာ သွားရောက်မှာဖြစ်ကြောင်း တရုတ်နိုင်ငံခြားရေး ဝန်ကြီးဌာနက ဒီသီတင်းပတ် အစောပိုင်းမှာပဲ သတင်းထုတ်ပြန်ထားပေမဲ့၊ တရုတ်ထိပ်တန်းသံတမန်ရဲ့ ခရီးစဉ်နဲ့ ပတ်သက်လို့ ၂ နိုင်ငံ တာဝန်ရှိသူတွေဘက်က အသေးစိတ် ထပ်မံပြောဆိုတာမျိုးတော့ မရှိပါဘူး။ #voaburmese #voasocial