ဘင်္ဂလားဒေ့ရှ်နယ်စပ် ကော့စ်ဘဇားခရိုင်၊ ကူတူပါလောင် ဒုက္ခသည်စခန်းမှာရှိတဲ့ ရိုဟင်ဂျာဒုက္ခသည်တွေကို BRAC လို့ခေါ်တဲ့ လူ့အဖွဲ့အစည်းကြား လူသားအရင်းမြစ် တည်ဆောက်ပေးရေး NGO အဖွဲ့က စာရင်းကောက်ယူပြီးအပြန်မှာ ကား၂စီးပေါ်ပါလာတဲ့ အမျိုးသမီးဝန်ထမ်းတွေ အောက်ဆင်း လမ်းလျှောက်စဉ်- ဒုက္ခသည်တချို့က ဝိုင်းဝန်းနောက်ပြောင်ရာက NGO တွေနဲ့ ဒုက္ခသည်တွေကြား အပြန်လှန် ခိုက်ရန်ဖြစ်ပွားပြီး NGO ဝန်ထမ်း ၅ဦးနဲ့ ဒုက္ခသည်တချို့ပါ ဒဏ်ရာရရှိသွားတယ်လို့ နယ်စပ်အခြေစိုက် နိရဉ္စရာ သတင်းဌာနကပြောပါတယ်။ ခိုက်ရန်ဖြစ်တဲ့ ဒုက္ခသည်တွေကို ဘင်္ဂလားအာဏာပိုင် တွေက လိုက်လံရှာဖွေနေပေးမယ့် တိမ်းရှောင်နေကြတယ်လို့ သိရပါတယ်။ ဒီအခြေအနေတွေ သိရအောင် အဲဒီစခန်းထဲက ဒုက္ခသည် ဦးမောင်မောင်ကို မသိဂီထိုက်က ဆက်သွယ်မေးမြန်းထားပါတယ်။
မေး။ ။ အဖြစ်အပျက်လေးအရင်ပြောပြပေးပါ။ ဘယ်လိုများဖြစ်ပါသလဲ
ဖြေ။ ။ BRAC ဝန်ထမ်းအမျိုးသမီးတယောက်ကနေ လမ်းလျောက်လာတဲ့အချိန်မှာ သူတို့ကနေ အဲဒီနေရာက လူတွေက တအားစီတယ် သွားဖို့ ခက်တယ်ဆိုတော့ အဲဒီအမျိုးသမီးဘေးနားကို ဖြတ်သွားခဲ့တယ်လို့ သူတို့ပြောတယ်။ နောက်ပြီး အမျိုးသမီးတွေနဲ့ နည်းနည်းစကားများသွားတယ်လို့ ပြောတယ်။ များပြီးတော့ အဲဒီအမျိုးသမီးတွေက BRAC ဝန်ထမ်းအမျိုးသမီးတွေပေ့ါနော် ။ အဲဒါ ရိုဟင်ဂျာ ဒုက္ခသည်စခန်းမှာ ပထမပိုင်းမှာ လာပြီးတော့ ရိုက်တယ်လို့ပြောတယ် နောက်ပိုင်းမှာ အဲဒီ ဒုက္ခသည်စခန်းက လူတွေထွက်လာပြီးတော့ သူတို့ဘက်ကလည်း ၁၀ ယောက်လောက်ရှိမယ် အဲဒီဝန်ထမ်းတွေကို ဝိုင်းပြီးတော့ လုပ်တယ်လို့ ပြောတယ်။
မေး။ ။ အဲဒီတော့ ဘယ်နှစ်ယောက် ဒဏ်ရာရပါသလဲ။
ဖြေ။ ။ ဟိုဘက်က NGO ဝန်ထမ်းတွေဘက်က ၅ ယောက်လို့ ပြောတယ် ဒါပေမယ့် ဒီဘက်မှာလည်း ၄-၅ ယောက်လောက် ဒဏ်ရာရရှိခဲ့တယ်လို့ပြောတယ်။
မေး။ ။ ဆိုတော့ ဒဏ်ရာရတဲ့ သူတို့ရဲ့အခြေအနေဘယ်လိုရှိပါသလဲ။
ဖြေ။ ။ ဒဏ်ရာရတဲ့ သူတွေအခြေအနေက အခုလောလောဆည် စိုးရိမ်စရာအနေအထား မရှိဘူးလို့ပြောတယ်။ သူတို့ နည်းနည်းသက်သာလာပြီလို့ပြောတယ်။
မေး။ ။ NGO ဝန်ထမ်းတွေက အဲဒီဒုက္ခသည်စခန်းမှာ အကူအညီပေးဖို့သွားတာလား ဒါမှမဟုတ် ဘယ်လိုပုံစံမျိုးရောက်ပြီးတော့ တိုက်ခိုက်ခံရတာပါလဲ။
ဖြေ။ ။ NGO ဝန်ထမ်းတွေက အဲဒီဒုက္ခသည်စခန်းကို ဝင်လာတဲ့ လမ်းကနေ ဝင်လာတာပါ။
မေး။ ။ သူတို့ ကားနဲ့ ဖြတ်လာတဲ့ ခရီးတထောက်ပေါ့နော်
ဖြေ။ ။ ကားနဲ့ ဖြတ်လာတယ် အဲဒီဒုက္ခသည်စခန်းမှာ ကားလမ်းရှိတယ် အဲဒီ လမ်းကနေ လာတာပါ။
မေး။ ။ လမ်းမှာလာတဲ့အချိန်မှာ သူတို့တားခံရတာလား ၊ ဒါမှမဟုတ် သူတို့ ခရီးတထောက်နားကြတာလား။
ဖြေ။ ။သူတို့အဲဒီ ကားနားတဲ့နေရာရှိတယ် အဲဒီမှာ ကားရပ်နားပြီးတော့ အဲဒီ နေရာကနေ လမ်းလျောက်သွားတာပါ။
မေး။ ။ အဲဒီလို လမ်းလျောက်သွားတဲ့အချိန်မှာ ဖြစ်ခဲ့တာပေါ့နော်။
ဖြေ။ ။ဟုတ်ပါတယ် အဲဒီလို လမ်းလျောက်ရင်းနဲ့ တယောက်နဲ့ တယောက်ရန်ဖြစ်တာပါ။ အဲဒီက လူအရမ်းများတယ် လမ်းကလည်း သိပ်မကြီးဘူး။
မေး။ ။ အဲဒီလို ရန်ဖြစ်ကြတဲ့လူတွေထဲက ဖမ်းထားတဲ့ လူတွေရောရှိပါသလား ဘယ်လိုကြားပါသလဲ။
ဖြေ။ ။ အခုလောလောဆည် ဖမ်းထားတဲ့ လူတွေတော့ မကြားသေးပါဘူး။ ဒါပေမယ့် ပထမပိုင်းမှာ တိုက်ခိုက်တဲ့အတွင်း ပါတဲ့လူတွေကို ဖမ်းဖို့ဆိုပြီးတော့ အာဏာပိုင်တွေဆီက လာပြီးတော့ ဖမ်းဖို့ ပြောတယ် ဒါပေမယ့် သူတို့ တိမ်းရှောင်နေရတယ်လို့ ပြောတယ်။
မေး။ ။ အဲဒီတော့ ကုတုပလောင် ၊ Cox bazar ဘက်က လာတဲ့သတင်းတွေမှာ အခင်းဖြစ်တဲ့နေရာကို အာဏာပိုင်တွေသွားပြီးတော့ ထိန်းရတယ်လို့ ပြောပါတယ်။ အဲဒါရော ဦးမောင်မောင်တို့ ဘာသိထားပါသလဲ
ဖြေ။ ။ ပထမတော့ ရဲတွေကို ညှိနိုှုင်းခိုင်းထားတယ်။ အခုလောလောဆည် ၂ ဖက်စလုံးကိုပဲ ညှိနှိုင်းပြီးတော့ အဲဒီက အာဏာပိုင်တွေ စခန်းတာဝန်ရှိသူတွေနဲ့ တိုင်ပင်ဆွေးနွေးပြီးတော့ သူတို့လုပ်တယ်လို့ပြောပါတယ်။
မေး။ ။ အဲဒီမှာရော အထူးလုံခြုံရေး ၊ အခုအခင်းဖြစ်ပြီးမှ ထပ်ပြီးတော့ လုံခြုံရေး ချထားပါသလား။
ဖြေ။ ။ လုံခြုံရေးကတော့ လောလောဆည် ၂၄ နာရီရှိပြီးသားပါ အဲဒီလမ်းမှာ။ သူတို့က ဒုက္ခသည်အဟောင်း ကျနော်တို့ကတော့ ဒုက္ခသည်အသစ်တွေပါ။
မေး။ ။ ဦးမောင်မောင်ကျေးဇူးတင်ပါတယ်။
ဖြေ။ ။ဟုတ်ကဲ့ပါ။
