ထိုင်းနိုင်ငံ မှာအခုတလော ဆက်တိုက်ဖမ်းဆီးမူတွေအတွင်း ထိုင်းမြောက်ပိုင်း ချင်းမိုင်မြို့ကျုံးလမ်းပတ်လည်နဲ့ မြစ်ကူး သံတံတားတဝိုက်မှာ အဖမ်းခံရတဲ့ မြန်မာ နိုင်ငံသား ရှမ်းတိုင်းရင်းသားလူငယ် ၂၄ ဦမှာ ၁၈ဦးဟာ အုပ်စုလိုက် ခိုက်ရန်ဖြစ်ပွားနေကြတဲ့ အမှုတွေနဲ့ ပါဝင်ပတ်သက်နေတယ်လို့ ထိုင်းအာဏာပိုင်တွေကဆိုပါတယ်။ သူတို့ ထံကနေ သံလက်သီ၊း လေးခွ၊ ဓါး လက်နက်တွေ ဖမ်းမိခဲ့တယ်လို့ထိုင်းအာဏာပိုင်တွေက ပြောပါတယ် ။ ထိုင်းအခြေစိုက် VOA မြန်မာပိုင်းသတင်းထောက် မအေးအေးမာကသတင်းပေးပို့ထားပါတယ်။
ထိုင်းနိုင်ငံမှာ တရားမဝင်နိုင်ငံခြားသားတွေကို ဆက်တိုက်ဖမ်းဆီးမူတွေလုပ်ခဲ့ပြီး ရာဇဝတ်မူတွေနဲ့ ပတ်သက်သူတွေကိုလည်း လိုက်လံရှာဖွေ ဖမ်းဆီးနေရာမှာ ဒီရက်ပိုင်းအတွင်း ချင်းမိုင်မြို့မှာဖမ်းမိတဲ့ ရှမ်းလူူငယ် ၂၀ကျော်ထဲမှာ အုပ်စုဖွဲ့ ရန်ဖြစ်တဲ့ အမူတွေနဲ့ ပတ်သက်သူတွေ အများစုဖြစ်နေတယ်လို့ ထိုင်းအာဏာပိုင်တွေက ထုတ်ဖော်ပြောဆိုခဲ့ပါတယ်။
ဒီအတွက် အေးအေးဆေးဆေးနေလိုတဲ့ ရှမ်းလူမျိုးအတွက် နေရထိုင်ရခက်လာကြောင်း ချင်းမိုင်မြို့က ရှမ်းအမျိုုးသမီးတဦးက ပြောပြပါတယ်။
"ရန်ဖြစ်လို့ အဖမ်းခံရတယ်။ လူ ၂၀ကျော်တယ် အရင်ကမြန်မာတွေပဲပြောတော့မြန်မာတွေနေရခက်တယ် အခုတော့ ရှမ်းတွေပဲ ပြောခံနေရတယ် ရှမ်းတွေက ပိုထကြွလာလို့ ရှမ်းတွေလည်းနေရခက်လာတယ်"
အခုဖမ်းဆီးခံရတဲ့ ရှမ်းလူငယ်တွေထံကနေ သံလက်သီး- လေးခွ-ဓါး စတဲ့လက်နက်
တွေကို ရှာဖွေတွေ့ရှိခဲ့တယ်လို ့ထိုင်းအာဏာပိုင်တွေကို ကိုးကားပြီး
ထိုင်း သတင်းတွေ မှာလည်း ဖော်ပြနေပါတယ်။
ချင်းမိုင်၊ ချင်းရိုင် ၊ ချင်းတောင်းစတဲ့ နေရာတွေက သွားလာတဲ့ ကားတွေမှာအစစ်ဆေးတွေများပြီး ဂိတ်တွေကနေ လက်နက်တွေပါမပါ တင်းတင်းကြပ်ကြပ်စစ်ဆေးမူတွေလုပ်လာတယ်လို့လည်း သူကဆိုပါတယ်။
" ဘာကြောင့်ဖမ်းသလဲတော့ မသိဘူး။ မနေ့က ခရီးထွက်တာ အစစ်ဆေးတွေပိုများလာတယ် ယောက်ကျားလေးတွေဆိုပိုစစ်တယ်။ လက်နက်တွေပါမှာစိုးလို့စစ်သလားလို့ လားပေါ့ ညတိုင်းစစ်တာတော့တွေ့တယ်။ ဂိတ်တွေအရမ်းများ လာတာ ဘာကြောင့်မို့လဲမသိဘူး"
အခုလိုစီမံချက်နဲ့ ဖမ်းခဲ့ရတာဟာ ညပိုင်း မှာ အုပ်စုဖွဲ့သောက်စားကြရင်း အချင်းချင်း ရန်ဖြစ်တာ ထိုင်းနိုင်ငံသားတွေနဲ့ ရန်ဖြစ်တာအပြင် ကမ္ဘာလှည့်ခရီးသွားတွေကို ဝိုင်းရိုက်တာ ကမ္ဘာလှည့် ခရီးသွားအမျိုးသမီးတဦးကို အဓမ္မပြုကျင့်မူတွေလုပ်တာတွေကြောင့်ဖမ်းဆီးမူတွေကို ပိုပြီးတင်းကြပ်မူတွေပိုလုပ်လာတာတွေ့ရတယ်လို့ ချင်းမိုင်မှ ာအလုပ်လုပ်နေတဲ့ ရှမ်းလူမျိုးတွေကဆိုပါတယ်။
ချင်းမိုင်မြို့ ဟာ မြန်မာနိုင်ငံ ရှမ်းပြည်နယ် ကနေ ဝင်ရောက် အခြေချ နေထိုင်နေကြတဲ့ ရှမ်းတိုင်းရင်းသားတွေ သိန်းနဲ့ချီရှီနေပါတယ်။ မြို့တွင်းကဘုရားတွေ နဲ့ ဘုန်းတော်ကြီးကျောင်တွေ လမ်းတွေရဲ့ နာမည်တွေမှ ာရှမ်းဘာသာနဲ့တောင် ရေးထားကြတာတောင်တွေ့ရသလို့ရွှေ့ပြောင်းအလုပ်သမားအများစုကလည်း ရှမ်းမျိုးနွယ်စုတွေဖြစ်ကြပါတယ်။
