India နိုင်ငံအလယ်ပိုင်း Mandsaur မြို့မှာ အသက် ၇ နှစ်အရွယ်ကျောင်သူလေး တယောက် အဓမ္မပြုကျင့်ခံရမှုအတွက် ကျူးလွန်သူတွေကို သေဒဏ် ပေးဖို့ ထောင်နဲ့ချီ လမ်းပေါ်ထွက် တောင်းဆိုခဲ့ကြပါတယ်။ မသင်္ကာသူ ၂ ယောက်ကို ဖမ်းဆီးထားတယ်လို့ ရဲကပြောပါတယ်။
မိဘတွေ ကျောင်းလာ ကြိုတာ နောက်ကျလို့စောင့်နေတဲ့ အဲဒီမိန်းကလေးနဲ့ စွပ်စွဲခံထားရ သူတယောက် လမ်းလျှောက်ပြီးထွက်သွားတဲ့ပုံကို အနားက CCTV မှာ တေ့ွရပါတယ်။ နောက်ပိုင်းမှာတော့ အနားကခြုံထဲမှာ မိန်းကလေး သတိမေ့နေတာကို ရဲကတွေ့ရှိခဲ့ပါ တယ်။ ဆေးရုံမှာ ကုသမှုခံနေတဲ့ ကျောင်းသူလေး သက်သာလာပြီလို့ ဆရာဝန်တွေက ပြောပါတယ်။
Madhya Pradesh ပြည်နယ် ဝန်ကြီးချုပ်ကလည်း အပြစ်ရှိကြောင်းထင်ရှားရင် သေဒဏ် ချဖို့ တောင်းဆိုထားတယ်လို့ သတင်းတွေမှာ ဖော်ပြပါတယ်။ India ဝန်ကြီးချုပ် Narendra Modi အစိုးရလက်ထက်မှာ အသက် ၁၂ နှစ်အောက်ငယ်ရွယ်တဲ့ မိန်းကလေးတွေကို အဓမ္မ ပြုသူတွေကို သေဒဏ်အပြစ်ပေးဖို့ သတ်မှတ်ခဲ့သလို ၁၆ နှစ်အောက် မိန်းကလေးတွေကို အဓ္ဓမပြုသူတွေအတွက် အနိမ့်ဆုံးပြစ်ဒဏ်ကိုလည်း တိုးမြှင့်ခဲ့ပါတယ်။
ဝန်ကြီးချုပ် Modi ပါတီအုပ်ချုပ်တဲ့ ပြည်နယ် ၂ ခုမှာ ၈ နှစ်အရွယ် မိန်းကလေးတယောက် နဲ့ အမျိုးသမီးငယ်တယောက်တို့ အဓ္ဓမကျင့်ခံခဲ့ရပြီးနောက် ပြည်သူတွေဆန္ဒပြခဲ့ကြလို့ ခုလို ပြစ်ဒဏ်တွေကို တိုးမြှင့်ခဲ့တာဖြစ်ပါတယ်။
India နိုင်ငံမှာ အဓ္ဓမကျင့်ခံရသူစုစုပေါင်းရဲ့ ၄၀% လောက်က ကလေးငယ်တွေ ဖြစ်ကြပါ တယ်။
