ကမ္ဘာ့ဘဏ်အုပ်စုဖြစ်တဲ့ IFC အပြည်ပြည်ဆိုင်ရာ ဘဏ္ဍာရေးကော်ပိုရေးရှင်းကနေ မြန်မာနိုင်ငံတွင်း အသေးစား ငွေချေးလုပ်ငန်း လုပ်ကိုင်နေကြတဲ့ နိုင်ငံတကာ အဖွဲ့အစည်း ၃ ခုကို စွမ်းရည်မြင့်တက်လာအောင် အကူအညီတွေပေးသွားဖို့ ရှိနေပါတယ်။
ဒါဟာ မြန်မာနိုင်ငံရှိ ဝင်ငွေနည်းပါးတဲ့ ပြည်သူတွေနဲ့ အသေးစား စီးပွားရေးလုပ်ငန်းတွေအတွက် အသေးစားချေးငွေ ရယူနိုင်တဲ့ အခွင့်အလမ်း ကျယ်ပြန့်လာအောင် အကူအညီပေး ဆောင်ရွက်ခြင်းဖြစ်တယ်လို့ IFC တာဝန်ရှိသူတွေက ပြောပါတယ်။ ဒါနဲ့ပတ်သက်လို့ ရန်ကုန်ရုံးခွဲကနေ ကိုသားညွန့်ဦးက သတင်းပေးပို့ထားပါတယ်။
IFC အနေနဲ့ မြန်မာနိုင်ငံတွင်း အသေးစား ငွေရေးကြေးရေး အဖွဲ့အစည်းတွေဖြစ်ကြတဲ့ Pact Global Microfinance Fund၊ Proximity Designs နဲ့ World Vision International-Myanmar အဖွဲ့ ၃ ဖွဲ့နဲ့ အသေးစား ငွေချေးလုပ်ငန်းတွေမှာ ပူးပေါင်းဆောင်ရွက်သွားဖို့ ဒီကနေ့ပဲ လက်မှတ်ရေးထိုး သဘောတူခဲ့ကြတာပါ။
ဒီအဖွဲ့အစည်း ၃ ခုရဲ့ အသေးစား ငွေချေးလုပ်ငန်းဆိုင်ရာ အကောင်းဆုံး လုပ်ထုံးလုပ်နည်းတွေဖြစ်လာဖို့ နည်းလမ်းအကြံပေးကူညီတာ၊ သူတို့ရဲ့ စီမံခန့်ခွဲမှုနဲ့ လုပ်ငန်းစွမ်းရည်တွေ မြင့်တက်လာအောင် ကူညီတာ၊ ငွေရေးကြေးရေး ဝန်ဆောင်မှုပုံစံတွေကို ပြင်ဆင်ပုံဖော်ပေးတာ ဝန်ထမ်းတွေကို လေ့ကျင့်သင်ကြားပေးတာတွေကို IFC အနေနဲ့ အကူအညီတွေ ပေးသွားဖို့ဖြစ်ပါတယ်။
IFC မှာရှိတဲ့ နိုင်ငံတကာ အတွေ့အကြုံတွေနဲ့ ဒီအဖွဲ့အစည်းတွေရဲ့ လက်တွေ့ အတွေ့အကြုံတွေကို ပေါင်းစပ်ပြီး မြန်မာနိုင်ငံရဲ့ အသေးစား ငွေရေးကြေးရေး လုပ်ငန်းကဏ္ဍ ဖံ့ွဖြိုးဖို့ဖြစ်တယ်လို့ IFC ကရော သူတို့ တွဲဘက် အဖွဲ့တွေကပါ ပြောကြပါတယ်။ IFC အနေနဲ့ကတော့ မြန်မာနိုင်ငံ ပွင့်လင်းလာပြီး ပြီးခဲ့တဲ့ ၂ နှစ်ကတည်းက မြန်မာနိုင်ငံတွင်း ပုဂ္ဂလိကကဏ္ဍ ဖွံ့ဖြိုးတိုးတက်လာစေဖို့ ဦးတည်ဆောင်ရွက်နေတယ်လို့ IFC မြန်မာဌာနေကိုယ်စားလှယ် Vikram Kumar က ပြောပါတယ်။
“မြန်မာနိုင်ငံတွင်း လွန်ခဲ့တဲ့ ၂ နှစ်ကတည်းက ရင်းနှီးမြှုပ်နှံမှုနဲ့ အကြံပေးညှိနှိုင်းဆောင်ရွက်မှုတွေကို လုပ်ခဲ့တာပါ။ ကျနော်တို့အစီအစဉ်တွေကို မဏ္ဍိုင်သုံးရပ်ထားပြီး အဓိက ဆောင်ရွက်ပါတယ်။ ပထမတခုကတော့ စီးပွားရေးကောင်းမွန်ဖို့ အခြေခံအဆောက်အအုံတွေပါ။ နောက်တခုကတော့ အသေးစား စီးပွားရေးလုပ်ငန်းတွေကို အကူအညီပေးပြီး အလုပ်အကိုင် အခွင့်အလမ်းသစ်တွေ ဖန်တီးဖို့ပါ။ တတိယတခုကတော့ ငွေကြေး အကူအညီ ထောက်ပံ့မှုဖြစ်ပါတယ်။”
မြန်မာနိုင်ငံတွင်းမှာ အသေးစား စီးပွားရေးလုပ်ငန်းတွေနဲ့ ဝင်ငွေနိမ့်ကျတဲ့ ပြည်သူတွေကို အကူအညီ ပေးဖို့ရာမှာ ငွေကြေးလိုအပ်ချက်ဟာ IFC နဲ့ CGAP တို့ ပူးတွဲ လေ့လာချက်အရဆိုရင် အမေရိကန် သန်း ၁ ထောင်လောက်ရှိမယ်လို့ ခန့်မှန်းထားတဲ့အကြောင်း IFC တာဝန်ရှိသူတွေက ပြောပါတယ်။ အသေးစား ငွေချေးလုပ်ငန်းတွေအတွက် လုပ်စရာတွေ အတော်များများရှိတဲ့နေရာမှာ အရင်ဆုံးတော့ အသေးစား ငွေရေးကြေးရေး အဖွဲ့အစည်းတရပ်ကို ပံ့ပိုးထူထောင်နိုင်ခဲ့တယ်လို့ Mr. Kumar က ပြောပါတယ်။
“အသေးစား စီးပွားရေးလုပ်ငန်းတွေနဲ့ ဝင်ငွေနိမ့်ကျတဲ့ ပြည်သူတွေမှာ လိုအပ်ချက်တွေ အတော်များများ ရှိနေတာကြောင့် IFC အနေနဲ့ ပထမဆုံး ရင်းနှီးမြှုပ်နှံမှုနဲ့ မြန်မာနိုင်ငံထဲ အသေးစား ငွေရေးကြေးရေး အဖွဲ့အစည်းတရပ်ကို ပံ့ံပိုးထူထောင်ခဲ့ပါတယ်။ အဲဒီအဖွဲ့ကနေ တနှစ်အတွင်း တသီးပုဂ္ဂလိကများနဲ့ အသေးစား စီးပွားရေးလုပ်ငန်းတွေအတွက် ငွေချေးမှုပေါင်း ၉ ထောင်နီးပါး ပံ့ပိုးခဲ့ပြီး၊ ပမာဏငွေကြေးအားဖြင့် အမေရိကန်ဒေါ်လာ ၃.၅ သန်းကျော်ရှိပါတယ်။”
တချိန်တည်းမှာပဲ အသေးစား ငွေရေးကြေးရေးလုပ်ငန်းတွေမှာ စွမ်းရည်မြင့်တက်လာဖို့ အစီအမံတရပ်အနေနဲ့ မြန်မာနိုင်ငံတွင်းက ဒီလုပ်ငန်းမှာ ဦးစီးဦးဆောင်လုပ်နေတဲ့ အဖွဲ့တွေကိုရှာပြီး လက်တွဲဖက်အဖွဲ့တွေအဖြစ် ရွေးချယ်ခဲ့တာဖြစ်တယ်လို့ IFC ရဲ့ အာရှပစိတ်ဖိတ်ဒေသဆိုင်ရာ အသေးစား ငွေရေးကြေးရေးလုပ်ငန်း ကျွမ်းကျင်သူ Ricardo Martin Garcia က ဗွီအိုအေကို ပြောပါတယ်။
“ကျနော်တို့အနေနဲ့ ဒီလုပ်ငန်းမှာ ဦးစီးဦးဆောင်လုပ်နေတဲ့ အဖွဲ့တွေကို ရှာပါတယ်။ ဈေးကွက်ထဲမှာ အကောင်းဆုံး လုပ်ဆောင်မှုကို ကြည့်ပါတယ်။ ဒီကိစ္စဆောင်ရွက်နေတဲ့ အဖွဲ့အစည်းအားလုံးကို အကူအညီပေးချင်ပေမဲ့ အားလုံးကိုတော့ အထောက်အပံ့ မပေးနိုင်ပါဘူး။ လုပ်နေတဲ့ အဖွဲ့အစည်းတွေမှာ အရွယ်အစားစုံ၊ ပုံစံအမျိုးမျိုး ရှိပါတယ်။ လူတွေကို လက်လှမ်းမှီပြီး ပိုမို ဆောင်ရွက်နိုင်တဲ့ အဖွဲ့အစည်းတွေကို ရွေးချယ်ပါတယ်။ အဲဒီအတွက် အဖွဲ့အစည်းတွေရဲ့ လှုပ်ရှားမှုနောက်ခံတွေ၊ သူတို့အကူအညီပေးနေတဲ့ လုပ်ငန်းတွေ အရေအတွက်တွေ၊ မြန်မာနိုင်ငံထဲ သူတို့ သွားရောက်လုပ်ကိုင်နေကြတဲ့ ဒေသတွေကို တွက်ပြီး သုံးဖွဲ့နဲ့ တွဲလုပ်ဖို့ ရွေးချယ်တာပါ။ ကျနော်တို့ စိတ်ကူးကတော့ ဒီအဖွဲ့ သုံးခုရဲ့ လုပ်နိုင်စွမ်းရည် မြင့်တက်လာအောင်ပါ။ အဓိကအချက်ကတော့ သူတို့လုပ်ငန်းတွေ ရေရှည်တည်တံ့ခိုင်မာတဲ့ လုပ်ငန်းလည်ပတ်မှုတွေ ဖြစ်လာစေဖို့ပါ။”
IFC အနေနဲ့ ဒီအဖွဲ့အစည်းတွေနဲ့ ပူးပေါင်းဆောင်ရွက်မှု ရလဒ်အဖြစ် အသေးစား စီးပွားရေးလုပ်ငန်းရှင် အားလုံးကို ငွေကြေးထောက်ပံ့ဝန်ဆောင်မှု ပိုပြီး ပေးနိုင်ဖို့ ရည်ရွယ်တယ်လို့ IFC တာဝန်ရှိသူတွေက ပြောပါတယ်။
မြန်မာနိုင်ငံတွင်း စီးပွားရေး ဖံ့ွဖြိုးလာဖို့ဆိုရင် ပြည်တွင်းက လက်ရှိ လက်ဝါးကြီးအုပ်ထားတဲ့ စီးပွားရေးလုပ်ငန်းကြီးတွေထက်၊ အသေးစားလုပ်ငန်းရှင်တွေ ဖွံ့ဖြိုးအားကောင်းလာဖို့ဆိုပြီး စီးပွားရေးအကဲခတ်တွေက သုံးသပ်ထားတာပါ။
ဒါကြောင့်လည်း IFC အပါအဝင် နိုင်ငံတကာငွေကြေး အဖွဲ့အစည်းတွေဘက်ကလည်း မြန်မာနိုင်ငံတွင်း အသေးစား
စီးပွားရေးလုပ်ငန်းတွေ အားကောင်းလာဖို့၊ စီးပွားရေးလုပ်ငန်းတွေမှာ မရှိမဖြစ်တဲ့ အခြေခံ အဆောက်အဦးတွေ အထူးသဖြင့် လျှပ်စစ်မီးနဲ့ အင်တာနက်ဆက်သွယ်မှုတွေ အားကောင်းလာဖို့ ပြင်ဆင်ဆောင်ရွက်နေကြ တာ တွေ့ရပါတယ်။
ဒါဟာ မြန်မာနိုင်ငံရှိ ဝင်ငွေနည်းပါးတဲ့ ပြည်သူတွေနဲ့ အသေးစား စီးပွားရေးလုပ်ငန်းတွေအတွက် အသေးစားချေးငွေ ရယူနိုင်တဲ့ အခွင့်အလမ်း ကျယ်ပြန့်လာအောင် အကူအညီပေး ဆောင်ရွက်ခြင်းဖြစ်တယ်လို့ IFC တာဝန်ရှိသူတွေက ပြောပါတယ်။ ဒါနဲ့ပတ်သက်လို့ ရန်ကုန်ရုံးခွဲကနေ ကိုသားညွန့်ဦးက သတင်းပေးပို့ထားပါတယ်။
IFC အနေနဲ့ မြန်မာနိုင်ငံတွင်း အသေးစား ငွေရေးကြေးရေး အဖွဲ့အစည်းတွေဖြစ်ကြတဲ့ Pact Global Microfinance Fund၊ Proximity Designs နဲ့ World Vision International-Myanmar အဖွဲ့ ၃ ဖွဲ့နဲ့ အသေးစား ငွေချေးလုပ်ငန်းတွေမှာ ပူးပေါင်းဆောင်ရွက်သွားဖို့ ဒီကနေ့ပဲ လက်မှတ်ရေးထိုး သဘောတူခဲ့ကြတာပါ။
ဒီအဖွဲ့အစည်း ၃ ခုရဲ့ အသေးစား ငွေချေးလုပ်ငန်းဆိုင်ရာ အကောင်းဆုံး လုပ်ထုံးလုပ်နည်းတွေဖြစ်လာဖို့ နည်းလမ်းအကြံပေးကူညီတာ၊ သူတို့ရဲ့ စီမံခန့်ခွဲမှုနဲ့ လုပ်ငန်းစွမ်းရည်တွေ မြင့်တက်လာအောင် ကူညီတာ၊ ငွေရေးကြေးရေး ဝန်ဆောင်မှုပုံစံတွေကို ပြင်ဆင်ပုံဖော်ပေးတာ ဝန်ထမ်းတွေကို လေ့ကျင့်သင်ကြားပေးတာတွေကို IFC အနေနဲ့ အကူအညီတွေ ပေးသွားဖို့ဖြစ်ပါတယ်။
IFC မှာရှိတဲ့ နိုင်ငံတကာ အတွေ့အကြုံတွေနဲ့ ဒီအဖွဲ့အစည်းတွေရဲ့ လက်တွေ့ အတွေ့အကြုံတွေကို ပေါင်းစပ်ပြီး မြန်မာနိုင်ငံရဲ့ အသေးစား ငွေရေးကြေးရေး လုပ်ငန်းကဏ္ဍ ဖံ့ွဖြိုးဖို့ဖြစ်တယ်လို့ IFC ကရော သူတို့ တွဲဘက် အဖွဲ့တွေကပါ ပြောကြပါတယ်။ IFC အနေနဲ့ကတော့ မြန်မာနိုင်ငံ ပွင့်လင်းလာပြီး ပြီးခဲ့တဲ့ ၂ နှစ်ကတည်းက မြန်မာနိုင်ငံတွင်း ပုဂ္ဂလိကကဏ္ဍ ဖွံ့ဖြိုးတိုးတက်လာစေဖို့ ဦးတည်ဆောင်ရွက်နေတယ်လို့ IFC မြန်မာဌာနေကိုယ်စားလှယ် Vikram Kumar က ပြောပါတယ်။
“မြန်မာနိုင်ငံတွင်း လွန်ခဲ့တဲ့ ၂ နှစ်ကတည်းက ရင်းနှီးမြှုပ်နှံမှုနဲ့ အကြံပေးညှိနှိုင်းဆောင်ရွက်မှုတွေကို လုပ်ခဲ့တာပါ။ ကျနော်တို့အစီအစဉ်တွေကို မဏ္ဍိုင်သုံးရပ်ထားပြီး အဓိက ဆောင်ရွက်ပါတယ်။ ပထမတခုကတော့ စီးပွားရေးကောင်းမွန်ဖို့ အခြေခံအဆောက်အအုံတွေပါ။ နောက်တခုကတော့ အသေးစား စီးပွားရေးလုပ်ငန်းတွေကို အကူအညီပေးပြီး အလုပ်အကိုင် အခွင့်အလမ်းသစ်တွေ ဖန်တီးဖို့ပါ။ တတိယတခုကတော့ ငွေကြေး အကူအညီ ထောက်ပံ့မှုဖြစ်ပါတယ်။”
မြန်မာနိုင်ငံတွင်းမှာ အသေးစား စီးပွားရေးလုပ်ငန်းတွေနဲ့ ဝင်ငွေနိမ့်ကျတဲ့ ပြည်သူတွေကို အကူအညီ ပေးဖို့ရာမှာ ငွေကြေးလိုအပ်ချက်ဟာ IFC နဲ့ CGAP တို့ ပူးတွဲ လေ့လာချက်အရဆိုရင် အမေရိကန် သန်း ၁ ထောင်လောက်ရှိမယ်လို့ ခန့်မှန်းထားတဲ့အကြောင်း IFC တာဝန်ရှိသူတွေက ပြောပါတယ်။ အသေးစား ငွေချေးလုပ်ငန်းတွေအတွက် လုပ်စရာတွေ အတော်များများရှိတဲ့နေရာမှာ အရင်ဆုံးတော့ အသေးစား ငွေရေးကြေးရေး အဖွဲ့အစည်းတရပ်ကို ပံ့ပိုးထူထောင်နိုင်ခဲ့တယ်လို့ Mr. Kumar က ပြောပါတယ်။
“အသေးစား စီးပွားရေးလုပ်ငန်းတွေနဲ့ ဝင်ငွေနိမ့်ကျတဲ့ ပြည်သူတွေမှာ လိုအပ်ချက်တွေ အတော်များများ ရှိနေတာကြောင့် IFC အနေနဲ့ ပထမဆုံး ရင်းနှီးမြှုပ်နှံမှုနဲ့ မြန်မာနိုင်ငံထဲ အသေးစား ငွေရေးကြေးရေး အဖွဲ့အစည်းတရပ်ကို ပံ့ံပိုးထူထောင်ခဲ့ပါတယ်။ အဲဒီအဖွဲ့ကနေ တနှစ်အတွင်း တသီးပုဂ္ဂလိကများနဲ့ အသေးစား စီးပွားရေးလုပ်ငန်းတွေအတွက် ငွေချေးမှုပေါင်း ၉ ထောင်နီးပါး ပံ့ပိုးခဲ့ပြီး၊ ပမာဏငွေကြေးအားဖြင့် အမေရိကန်ဒေါ်လာ ၃.၅ သန်းကျော်ရှိပါတယ်။”
တချိန်တည်းမှာပဲ အသေးစား ငွေရေးကြေးရေးလုပ်ငန်းတွေမှာ စွမ်းရည်မြင့်တက်လာဖို့ အစီအမံတရပ်အနေနဲ့ မြန်မာနိုင်ငံတွင်းက ဒီလုပ်ငန်းမှာ ဦးစီးဦးဆောင်လုပ်နေတဲ့ အဖွဲ့တွေကိုရှာပြီး လက်တွဲဖက်အဖွဲ့တွေအဖြစ် ရွေးချယ်ခဲ့တာဖြစ်တယ်လို့ IFC ရဲ့ အာရှပစိတ်ဖိတ်ဒေသဆိုင်ရာ အသေးစား ငွေရေးကြေးရေးလုပ်ငန်း ကျွမ်းကျင်သူ Ricardo Martin Garcia က ဗွီအိုအေကို ပြောပါတယ်။
“ကျနော်တို့အနေနဲ့ ဒီလုပ်ငန်းမှာ ဦးစီးဦးဆောင်လုပ်နေတဲ့ အဖွဲ့တွေကို ရှာပါတယ်။ ဈေးကွက်ထဲမှာ အကောင်းဆုံး လုပ်ဆောင်မှုကို ကြည့်ပါတယ်။ ဒီကိစ္စဆောင်ရွက်နေတဲ့ အဖွဲ့အစည်းအားလုံးကို အကူအညီပေးချင်ပေမဲ့ အားလုံးကိုတော့ အထောက်အပံ့ မပေးနိုင်ပါဘူး။ လုပ်နေတဲ့ အဖွဲ့အစည်းတွေမှာ အရွယ်အစားစုံ၊ ပုံစံအမျိုးမျိုး ရှိပါတယ်။ လူတွေကို လက်လှမ်းမှီပြီး ပိုမို ဆောင်ရွက်နိုင်တဲ့ အဖွဲ့အစည်းတွေကို ရွေးချယ်ပါတယ်။ အဲဒီအတွက် အဖွဲ့အစည်းတွေရဲ့ လှုပ်ရှားမှုနောက်ခံတွေ၊ သူတို့အကူအညီပေးနေတဲ့ လုပ်ငန်းတွေ အရေအတွက်တွေ၊ မြန်မာနိုင်ငံထဲ သူတို့ သွားရောက်လုပ်ကိုင်နေကြတဲ့ ဒေသတွေကို တွက်ပြီး သုံးဖွဲ့နဲ့ တွဲလုပ်ဖို့ ရွေးချယ်တာပါ။ ကျနော်တို့ စိတ်ကူးကတော့ ဒီအဖွဲ့ သုံးခုရဲ့ လုပ်နိုင်စွမ်းရည် မြင့်တက်လာအောင်ပါ။ အဓိကအချက်ကတော့ သူတို့လုပ်ငန်းတွေ ရေရှည်တည်တံ့ခိုင်မာတဲ့ လုပ်ငန်းလည်ပတ်မှုတွေ ဖြစ်လာစေဖို့ပါ။”
IFC အနေနဲ့ ဒီအဖွဲ့အစည်းတွေနဲ့ ပူးပေါင်းဆောင်ရွက်မှု ရလဒ်အဖြစ် အသေးစား စီးပွားရေးလုပ်ငန်းရှင် အားလုံးကို ငွေကြေးထောက်ပံ့ဝန်ဆောင်မှု ပိုပြီး ပေးနိုင်ဖို့ ရည်ရွယ်တယ်လို့ IFC တာဝန်ရှိသူတွေက ပြောပါတယ်။
မြန်မာနိုင်ငံတွင်း စီးပွားရေး ဖံ့ွဖြိုးလာဖို့ဆိုရင် ပြည်တွင်းက လက်ရှိ လက်ဝါးကြီးအုပ်ထားတဲ့ စီးပွားရေးလုပ်ငန်းကြီးတွေထက်၊ အသေးစားလုပ်ငန်းရှင်တွေ ဖွံ့ဖြိုးအားကောင်းလာဖို့ဆိုပြီး စီးပွားရေးအကဲခတ်တွေက သုံးသပ်ထားတာပါ။
ဒါကြောင့်လည်း IFC အပါအဝင် နိုင်ငံတကာငွေကြေး အဖွဲ့အစည်းတွေဘက်ကလည်း မြန်မာနိုင်ငံတွင်း အသေးစား
စီးပွားရေးလုပ်ငန်းတွေ အားကောင်းလာဖို့၊ စီးပွားရေးလုပ်ငန်းတွေမှာ မရှိမဖြစ်တဲ့ အခြေခံ အဆောက်အဦးတွေ အထူးသဖြင့် လျှပ်စစ်မီးနဲ့ အင်တာနက်ဆက်သွယ်မှုတွေ အားကောင်းလာဖို့ ပြင်ဆင်ဆောင်ရွက်နေကြ တာ တွေ့ရပါတယ်။
