ဂျာမန်အသင်း ရွှေဆု အများဆုံးနဲ့ ဦးဆောင်

Russia နိုင်ငံ Sochi မှာကျင်းပနေတဲ့ ဆောင်းရာသီ Olympic ဆုဇယားမှာ ဂျာမဏီနိုင်ငံက ရွှေတံဆိပ်ဆု အများဆုံးနဲ့ ဇယားထိပ်မှာ ရှိနေပါတယ်။

လောလောဆယ်အထိ ဂျာမနီက ရွှေတံဆိပ် ၇ ခု ရရှိထားပြီး ဒုတိယရွှေတံဆိပ်အများဆုံးက ရွှေတံဆိပ် ၅ ဆုနဲ့ Switzerland နိုင်ငံဖြစ်ပါတယ်။ အမေရိကန်ကတော့ Canada, Norway, Netherlands နိုင်ငံတွေလိုပဲ ရွှေတံဆိပ် ၄ ခုစီရရှိထားပါတယ်။ အာရှနိုင်ငံတွေထဲကဆိုရင် တရုတ်က ရွှေတံဆိပ် ၂ ခု၊ ဂျပန်နဲ့ ကိုရီးယား တို့က ရွှေ ၁ ခုစီရရှိထားပါတယ်။

Japan နိုင်ငံက Yuzuru Hanyu ဟာ အမျိုးသား Olympic figure skating ပြိုင်ပွဲမှာ ပထမဆုံး အာရှက ရွှေတံဆိပ်ဆုရသူ ဖြစ်လာခဲ့ပါတယ်။ ၃ ကြိမ် ကမ္ဘာ့ချန်ပီယံဖြစ်ထားတဲ့ Canada က Patrick Chan ကို အသက် ၁၉ နှစ်ပဲရှိသေးတဲ့ Hanyu က သောကြာနေ့က နိုင်သွားခဲ့တာဖြစ်ပါတယ်။

ဒီကနေ့ စနေနေ့ ပြိုင်ပွဲတွေထဲက ပထမဆုံး ရွှေတံဆိပ်ကိုတော့ Austria နိုင်ငံက Anna Fenninger က အမျိုးသမီး Alpine skiing super-G ပြိုင်ပွဲမှာ ရရှိသွားပါတယ်။ ဆိုချီဆောင်းရာသီ Olympic အားကစား ပြိုင်ပွဲတွေအတွက် စုစုပေါင်းလက်မှာ ၁ သန်းကျော် ရောင်းခဲ့ရတယ်လို့ Olympic ပွဲတာဝန်ရှိသူတွေက ပြောပါတယ်။

ကြာသပတေးနေ့တုန်းက Russia နဲ့ Slovenia တို့ကစားခဲ့ကြတဲ့ အမျိုးသား အုပ်စု A, Ice hockey ပြိုင်ပွဲမှာ
စံချိန်တင်အောင် ပရိတ်သတ်ပေါင်း ၁ သိန်း ၆ ထောင် အားပေးခဲ့ကြပါတယ်။ ဒီပွဲမှာ Russia က Slovenia ကို ၅-၂ နဲ့ နိုင်သွားပါတယ်။ ဒီကနေ့ စနေနေ့မှာတော့ အမေရိကန်နဲ့ Russia အသင်းတို့ ကစားကြဖို့ ရှိပါတယ်ရှင်။

အခုမကြာခင်ကပဲပြီးသွားတဲ့ Russia နဲ့ အမေရိကန် အမျိုးသား Ice Hockey ပွဲမှာ အမေရိကန်က ၃ ဂိုး Russia က ၂ ဂိုးနဲ့ အမေရိကန်က နိုင်သွားပါတယ်။