တရုတ်နိုင်ငံ ရှန်ဟိုင်းနဲ့ ရှန်ဇန်းမြို့တွေက အစုရှယ်ယာဈေးကွက်တွေကို ပိတ် လိုက်ရပါတယ်။ တရုတ်အစုဈေးကွက်တွေမှာ ဈေးမတည်မငြိမ်ဖြစ်တာကို ကာကွယ်နိုင်ဖို့ စနစ်သစ်ကို စတင်ကျင့်သုံးတဲ့ ဒီကနေ့မှာပဲ အစုရှယ်ယာဈေး
၇ ရာခိုင်နှုန်း အထိ ထိုးကျ သွားခဲ့တဲ့အတွက် အရောင်းအဝယ်တွေကို ရပ်ဆိုင်းလိုက်တာပါ။
အာရှငွေကြေး ကျဆင်းမှုကြောင့် ဥရောပငွေကြေးဈေးကွက်လည်း စဖွင့်ချိန် ကတည်းက ဈေးကျဆင်းနေပြီး ဂျာမနီစတော့ဈေးကွက် DAX မှာ အစုရှယ်ယာဈေးတွေ ၄ ရာခိုင်နှုန်း ကျော် ကျဆင်းခဲ့သလို၊ လန်ဒန် FTSE ဈေးကွက် မှာလည်း ၂ ရာခိုင်နှုန်း ကျော် ကျဆင်းခဲ့ပါတယ်။
ကမ္ဘာ့စီးပွားရေး ဒုတိယ အင်အားအကြီးဆုံးဖြစ်တဲ့ တရုတ်နိုင်ငံရဲ့ ကုန်ထုတ်လုပ်မှု သိသိသာသာကျဆင်းသွားတဲ့ ကိန်းဂဏန်းတွေနဲ့ အရှေ့အလယ်ပိုင်းမှာ မတည်မငြိမ်ဖြစ်နေတာကြောင့် ခုလို တရုတ်က အစုရှယ်ယာဈေးတွေ ထိုးကျသွားခဲ့တာပါ။
ဂျပန် Nikei လည်း ၃ ရာခိုင်နှုန်းအထိကျဆင်းပြီး ဟောင်ကောင် Hang Seng လည်း ၂.၅ ရာခိုင်နှုန်းအထိ ကျဆင်းသွားသလို အရှေ့အလယ်ပိုင်းဒေသက ပဋိပက္ခတွေ၊ ဆော်ဒီအားရေးဘီးယားနဲ့ အီရန်အကြား တင်းမာမှုတွေ ရှိလာတာကြောင့် ဒီကနေ့မှာ ရေနံဈေးတက်လာပါတယ်။
