ဖေဖော်ဝါရီ ၁၇၊ ၂၀၁၈ - ဒီတပတ်ထဲမှာပဲ တိုင်းရင်းသား လက်နက်ကိုင်အဖွဲ့ ၂ ဖွဲ့ဖြစ်တဲ့ မွန်ပြည်သစ်ပါတီနဲ့ လားဟူဒီမိုကရက်တစ် အစည်းအရုံးတို့ အစိုးရနဲ့ တနိုင်ငံလုံး ပစ်ခတ်တိုက်ခိုက်မှု ရပ်စဲရေး (NCA) စာချုပ်မှာ လက်မှတ်ရေးထိုး လိုက်ပါတယ်။
ဒါဟာဆိုရင် NLD အရပ်သားအစိုးရ လက်ထက်မှာ ပထမဆုံးအကြိမ် NCA အပစ်ရပ်ရေး လက်မှတ်ထိုးတာ ဖြစ်တဲ့အတွက် ထူးခြားမှုလို့လည်း ဆိုရမှာပါ။ ဒါပေမဲ့လည်း လက်မှတ်မထိုးသေးတဲ့ အဖွဲ့တွေ ကျန်နေသေးသလို၊ တိုက်ပွဲတွေ တကျော့ပြန် ဖြစ်နေတာတွေလည်း ရှိနေပါတယ်။
မြန်မာအစိုးရနဲ့ အပစ်အခတ်ရပ်စဲရေး NCA လက်မှတ်ထိုးတဲ့ အဖွဲ့တွေ တိုးလာတာဟာ ငြိမ်းချမ်းရေးလုပ်ငန်းစဉ်မှာ ဘယ်လောက်အထိ တွန်းအား ဖြစ်နိုင်မလဲ ဆိုတာကို ဗွီအိုအေရဲ့ စနေနေ့ည တိုက်ရိုက်လေလှိုင်း အစီအစဉ်မှာ ကိုအောင်လွင်ဦးက ဆွေးနွေးတင်ဆက် ထားပါတယ်။
