သြဂုတ် ၁၇၊ ၂၀၁၉ - မြောက်ပိုင်းမဟာမိတ် ၃ ဖွဲ့ပေါင်းပြီး ပြင်ဦးလွင်မှာရှိတဲ့ တပ်မတော် နည်းပညာ တက္ကသိုလ်နဲ့ ရှမ်းပြည်မြောက်ပိုင်းမှာ နောင်ချိုမြို့တွေမှာ တိုက်ခိုက်ခဲ့လို့ လုံခြုံရေးတပ်ဖွဲ့ဝင်တွေနဲ့ အရပ်သားတချို့ သေဆုံးတဲ့အထိ ဖြစ်ခဲ့ပါတယ်။ အခုနောက်ထပ်လည်း ရှမ်းပြည်မြောက်ပိုင်းက လားရှိုးနဲ့ ကျောက်မဲမြို့တွေ အပါအဝင် နေရာတချို့မှာ တိုက်ခိုက်မှုတွေ ဖြစ်ခဲ့ပါတယ်။
တိုင်းရင်းသား လက်နက်ကိုင်တွေ ဘက်ကတော့ စစ်တပ်ရဲ့ ထိုးစစ်တွေကို လက်တုန့်ပြန်တဲ့ အနေနဲ့ တိုက်တာလို့ ပြောနေသလို၊ တပ်မတော်ဘက်ကတော့ အကျိုးစီးပွား ထိခိုက်လို့ တိုက်တာဆိုပြီး ပြောပါတယ်။
ငြိမ်းချမ်းရေး ဆွေးနွေးဖို့ ပြောနေချိန်မှာပဲ မြို့ပြဒေသတွေအထိ တိုက်ပွဲတွေ အခုလို ကျယ်ပြန့်လာနေရတာ ဘာ့ကြောင့်လဲ၊ ဒါတွေကို ဖြေရှင်းနိုင်မယ့်နည်းလမ်း ဘာတွေရှိမလဲ ဆိုတာတွေကို ဗွီအိုအေရဲ့ စနေနေ့ည တိုက်ရိုက်လေလှိုင်း အစီအစဉ်မှာ ကိုအောင်လွင်ဦးက ဆွေးနွေးတင်ပြ ထားပါတယ်။
