မေလ ၄၊ ၂၀၁၉ - တပ်မတော်က စစ်တိုင်း ၅ ခုမှာ တဖက်သတ် အပစ်အခတ် ရပ်စဲထားတာကို နောက်ထပ် ၂ လ သက်တမ်းတိုးဖို့ ကြေညာလိုက်ပါတယ်။ ၄ လကြာ အပစ်အခတ် ရပ်စဲထားချိန်မှာ ငြိမ်းချမ်းရေးအတွက် ဆွေးနွေးမှုတွေ ရှိခဲ့သလို နောက်ထပ် ဆွေးနွေးဖို့ တောင်းဆိုချက်တွေကြောင့် သက်တမ်းတိုးဖို့ ဆုံးဖြတ်လိုက်တာ ဖြစ်ကြောင်းလည်း ကာကွယ်ရေး ဦးစီးချုပ်ရုံး ထုတ်ပြန်ချက်က ဖော်ပြပါတယ်။
ပြီးခဲ့တဲ့ ၄ လကြာ အပစ်ရပ်ချိန်မှာ ငြိမ်းချမ်းရေး လုပ်ငန်းစဉ်တွေ ဘယ်လောက်အထိ ခရီးပေါက်ခဲ့ပါသလဲ၊ နောက်ထပ် ၂ လတာ သက်တမ်းကနေ ဘာတွေများ မျှော်လင့်နိုင်မလဲ ဆိုတာတွေကို ဗွီအိုအေရဲ့ စနေနေ့ည တိုက်ရိုက်လေလှိုင်း အစီအစဉ်မှာ ကိုအောင်လွင်ဦး ကဆွေးနွေး တင်ဆက်ထားပါတယ်။
