စက်တင်ဘာ ၂၉၊ ၂၀၁၈ - မြန်မာနိုင်ငံက လူ့အခွင့်အရေး ချိုးဖောက်မှုတွေနဲ့ ပတ်သက်လို့ စုံစမ်းဖော်ထုတ် အရေးယူဖို့ တိုက်တွန်းလှုံ့ဆော်မှုတွေ နိုင်ငံတကာ အသိုင်းအဝန်းမှာ အကြီးအကျယ် ထွက်ပေါ်နေပါတယ်။
အထူးသဖြင့် လူ့အခွင့်အရေး ချိုးဖောက်မှုတွေမှာ အဓိက တာဝန်ရှိတယ်ဆိုတဲ့ စွပ်စွဲချက်နဲ့ တပ်မတော် ကာကွယ်ရေးဦးစီးချုပ် အပါအဝင် စစ်တပ်တာဝန်ရှိသူတွေကို အရေးယူဖို့ ဖိအားပေးနေတာတွေဟာ မြန်မာနိုင်ငံ ဒီမိုကရေစီ အသွင်ကူးပြောင်းရေး ကြိုးပမ်းမှုမှာ ဘယ်လောက်အထိ တွန်းအားတွေ ဖြစ်လာနိုင်ပါသလဲ၊ ပြန်လည်သင့်မြတ်ရေးမှာရော ထိခိုက်နိုင်ပါသလား ဆိုတာတွေကို ဗွီအိုအေရဲ့ စနေနေ့ည တိုက်ရိုက်လေလှိုင်း အစီအစဉ်မှာ ကိုအောင်လွင်ဦးက ဆွေးနွေးတင်ဆက် ထားပါတယ်။
