တိုင်းရင်းသား ဒေသတွေ အပါအဝင် မြန်မာနိုင်ငံတဝန်းက လူ့အခွင့်အရေး အခြေအနေနဲ့ ပတ်သက်လို့ နိုင်ငံတကာ အသိုင်းအဝိုင်း အနေနဲ့ သတိထား စောင့်ကြည့်ဖို့ ကုလသမဂ္ဂ လူ့အခွင့်အရေး အထူးကိုယ်စားလှယ် Yanghee Lee က မြန်မာနိုင်ငံ ခရီးစဉ် မတိုင်မီမှာပဲ တိုက်တွန်းထားပါတယ်။ မြန်မာနိုင်ငံရဲ့ လူ့အခွင့်အရေး အခြေအနေဟာ နိုင်ငံတကာက အာရုံစိုက်ဖို့ လိုအပ်တဲ့ အခြေအနေအထိ ရောက်နေပြီလား၊ ဘယ်နေရာတွေမှာ လူ့အခွင့်အရေးမှတ်တမ်းတွေ တိုးတက်အောင်လုပ်ဖို့ လိုနေသလဲ ဆိုတာတွေကို ဗွီအိုအေ စနေနေ့ည တိုက်ရိုက်လေလှိုင်း အစီအစဉ်မှာ ကိုအောင်လွင်ဦးက ဆွေးနွေးထားပါတယ်။