ဇူလိုင်လ ၂၁၊ ၂၀၁၈ - မြန်မာနိုင်ငံမှာ မိုးတွင်းကာလ ရောက်လာတာနဲ့ ရေကြီးမြေပြိုမှုတွေ၊ ဓာတ်လိုက်သေဆုံးမှုတွေလို မတော်တဆမှုတွေလည်း နောက်ဆက်တွဲ ကြုံနေရပါတယ်။
ကချင်ပြည်နယ်က ကျောက်စိမ်းတွင်းမှာ မြေပြိုလို့ သေကြေကျရတာတွေ၊ ရန်ကုန်မြို့က ရေလျှံနေတဲ့ လမ်းပေါ်မှာ ကလေးတယောက် ဓာတ်လိုက်သေဆုံးခဲ့ရတာတွေလို ကြေကွဲစရာ အဖြစ်တွေ နှစ်စဉ်နှစ်တိုင်း ကြုံနေရတာ ဘယ်သူတွေမှာ တာဝန်ရှိပါသလဲ၊ ကာကွယ်လို့ရနိုင်လျက်နဲ့ လူ့အသက်တွေ ဆုံးရှုံးနေရတဲ့ အဖြစ်တွေကို ဘယ်လိုကာကွယ်တားဆီးနိုင်မလဲ ဆိုတာတွေကို ဗွီအိုအေရဲ့ စနေနေ့ည တိုက်ရိုက်လေလှိုင်း အစီအစဉ်မှာ ကိုအောင်လွင်ဦးက ဆွေးနွေးတင်ဆက် ထားပါတယ်။
