ဇွန်လ ၉၊ ၂၀၁၈ - မကြာသေးခင်တုန်းကပဲ မလေးရှားနိုင်ငံမှာ မြန်မာနိုင်ငံကလာတဲ့ မူးယစ်ဆေးဝါးတွေ အကြီးအကျယ် ဖမ်းမိခဲ့ပြီး နောက်ဆက်တွဲဆိုသလို မြန်မာနိုင်ငံမှာလည်း အဖမ်းအဆီးတချို့နဲ့ မူးယစ်ဆေးဝါး နှိမ်နင်းမှုတွေ လုပ်လာတာ တွေ့ရပါတယ်။ ဒီလိုမူးယစ်ဆေးဝါး နှိမ်နင်းမှုတွေ ရှိနေပေမဲ့လည်း အားမရတဲ့ အသံတွေလည်း ကြားနေရတုန်းပါ။
လူတွေကြားမှာ ဘဝင်မကျဖြစ်နေကြတဲ့ အထဲမှာ အထူးသဖြင့်ကတော့ မူးယစ်ဆေးဝါးတွေ အကြီးအကျယ် ဖမ်းမိပေမဲ့၊ လက်သည်မပေါ်တဲ့ ကိစ္စမျိုးတွေ၊ မူးယစ်ဆေးဝါးတွေ အလွယ်တကူ ဝယ်ယူသုံးစွဲနိုင်တဲ့ အခြေအနေမျိုးတွေလည်း ပါဝင်ပါတယ်။
မြန်မာနိုင်ငံ မူးယစ်ဆေးဝါး တိုက်ဖျက်ရေးမှာ စိမ်ခေါ်မှုတွေ ဘာတွေရှိနေသလဲ၊ တိုးတက်အောင် ဘယ်လိုလုပ်နိုင်မလဲ ဆိုတာတွေကိုတော့ ဗွီအိုအေရဲ့ စနေနေ့ည တိုက်ရိုက်လေလှိုင်း အစီအစဉ်မှာ ကိုအောင်လွင်ဦးက ဆွေးနွေးတင်ဆက် ထားပါတယ်။
