သြစတြေးလျနိုင်ငံ အနောက်မြောက်ပိုင်းမှာ ကြုံတောင့်ကြုံခဲ ရှားရှားပါးပါး နေကြတ်တာကို လူတွေ ထောင်နဲ့ချီ စုဝေးပြီးတော့ ကြည့်ရှုခဲ့ကြပါတယ်။ အခုလို နေကြတ်တာကို အင်ဒိုနီးရှားနိုင်ငံက တချို့ အပိုင်းတွေနဲ့ အရှေ့တီမောနိုင်ငံတွေကလည်း တွေ့နိုင်ပြီး၊ အဲဒီလို နေကြတ်တာကြောင့် တမိနစ်လောက် အဲဒီနေရာတွေမှာ လုံး၀ မှောင်ကျသွားခဲ့ပါတယ်။
နေကြတ်တဲ့အချိန်စုစုပေါင်းက ၃ နာရီလောက်ရှိပြီး၊ အဲဒီနေရာအများစုကတော့ ပင်လယ်ထဲမှာ ဖြစ်ပါတယ်။ ကောင်းကင်မှာ နေနဲ့လနဲ့ ကမ္ဘာနဲ့ တတန်းတည်းကျပြီး နေနဲ့လ ရဲ့ အရွယ်အစားက အတူတူလောက်နီးနီး ဖြစ်သွားတဲ့အချိန်မှာ အခုလို နေကြတ်တာ ဖြစ်ပေါ်လေ့ရှိပြီး လုံးဝနေကြတ်တာ နဲ့ တစိတ်တပိုင်း နေကြတ်တာတွေကို တွေ့ရတတ်ပါတယ်။
အခုလို နေကြတ်တာမျိုးကိုတော့ ဆယ်စုနှစ်တခုမှာ တခါတွေ့ရပြီး၊ နောက်တကြိမ်ကတော့ ၂၀၃၁ ခုနှစ်မှာ တွေ့ရမှာ ဖြစ်ပါတယ်။
