သြဂုတ် ၂၇၊ ၂၀၁၉။ ရခိုင်မြောက်ပိုင်းမှာ ၂၀၁၇ ခုနှစ် အပြန်အလှန်အကြမ်းဖက်ပဋိပက္ခတွေဖြစ်ပြီး ဒုက္ခသည်သိန်းဂဏန်းအထိ နယ်ခြားထွက်ပြေးခဲ့ရတဲ့ ဖြစ်ရပ် အခုဆို (၂) နှစ်တင်းတင်းပြည့်ခဲ့ပါပြီ။ ထွက်ပြေးသွားတဲ့ ရိုဟင်ဂျာဒုက္ခသည်တွေ နေရပ်ပြန်ရေးကိစ္စကလည်း မအောင်မမြင် ရှိနေဆဲပါ။ ဒီဖြစ်ရပ်တွင်း လုံခြုံရေးတပ်တွေရဲ့ လူ့အခွင့်အရေးကျူးလွန်ဖောက်ဖျက်မှုတွေကို စုံစမ်း အရေးယူဖို့ တောင်းဆိုချက်တွေကလည်း ရှိနေဆဲပါ။ မြန်မာအစိုးရကတော့ ဒီဖြစ်ရပ်တွေအပေါ် စုံစမ်းစစ်ဆေးဖို့အတွက် မြန်မာပြည်တွင်းမှာပဲ ကော်မရှင်ဖွဲ့ စုံစမ်းတာတွေရှိနေတာကြောင့်၊ နိုင်ငံတကာရဲ့ ဝင်ရောက်စွက်ဖက်မှုမလိုဘူးလို့ ပြောနေပါတယ်။
ဒါကြောင့် ပြီးခဲ့တဲ့(၂)နှစ်က အကြမ်းဖက်မှုတွေအတွင်း ဖြစ်ပျက်ခဲ့တာတွေအပေါ် တရားစီရင်ရေး ဘယ်လိုခရီးရောက်နေပြီလဲ အင်္ဂါနေ့ည က်ရိုက်လေလှိုင်းအစီအစဉ်မှာ သုံးသပ်ဆွေးနွေးထားပါတယ်။ မြန်မာ့နိုင်ငံရေးသုတေသီ ဒေါက်တာခင်ဇော်ဝင်းနဲ့ လူငယ်နှင့်လူမှုသဟဇာတဖြစ်ရေးစင်တာက ကိုသက်ဆွေတို့ ပင်တိုင်ဆွေးနွေးထားကြပါတယ်။
